අළුත් අළුත් දෑ නොතනන ජාතිය ලොව නොනඟී…. හිඟා කෑම බැරි වුන තැන ලගී ගයා මර ගී….


මගේ ඇල්කෙමියාගේ රසායනාගාරය බ්ලොගයෙ මුලින්ම ලියවුන ලිපිය වුනේ “අළුත් අළුත් දෑ නොතනන ජාතිය ලොව නොනඟී” කියන ලිපියයි. එතැනින් මා අදහස් කළේ කිසියම් ජාතියක ප්‍රගමණය සඳහා අත්‍යවශ්‍ය වන සාධකය වන නව නිපැයුම් කෙරේ අවධානය යොමු කරන්නට…. මගේ ජීවිතයම බැඳිලා තියෙන්නෙ ලෝකයට යමක් අළුතෙන් එකතු කිරීම හා සම්බන්ධව…  ලංකාවට ආවට පස්සෙ ලැබුණ රැකියාවත් පර්යේෂණ හා සංවර්ධනය පිළිබඳව නිසා මගේ හීනය ඒ තරම්ම බිඳ වැටුනෙ නෑ…. ඒ අතරවාරයෙදි මගේ පැරණි සම්බන්ධකම් නිසාම රජයේ ආයතන කිහිපයක පැවැතුන වැදගත් සාකච්ඡා කිහිපයකටත් දායක වෙන්න ලැබුණා…

දේශපාලනයට මම කැමති නැත්තෙ එතැනට යන අය මෙන්ම එතැනට ගියාම ඔවුනට ඇතිවන මුග්ධ භාවය නිසා…. එතැනට යනකොටම ඔවුන්ගෙ මොළය ගලවලා දාලා ගොම එකතු කරන නිසා එතැනින් වැදගත් යමක් සිදු වෙනවා කියලා හිතන්න අමාරුයි. නමුත් මේ මෝඩ හැත්ත අතරෙ යම් පමණකට හෝ මගේ ගරුත්වයක් තිබුණ එක මිනිහෙක් ඔය අතරෙ හිටියා… ඒ තමයි විදුලි ඉංජිනේරු පාඨලී චම්පික රණවක…. මොරටුවෙ විශ්ව විද්‍යාලයෙන් විදුලි ඉංජිනේරු උපාධියක් ගනිපු මේ මනුස්සයා යමක් කමක් දන්නා ගරු කළ හැකි පුද්ගලයෙක්.. දේශපාලනිකව මොන මතිමතාන්තර තිබුණත් අවංකව වැඩක් කරන්න හදන පුද්ගලයෙක් විදියටයි මම ඔහු දකින්නෙ.

මොරටුව විශ්ව විද්‍යාලයේ මහාචාර්ය අජිත් ද අල්විස් මහත්මයාගෙ ආරාධනාවක් අනුවයි මම ජාතික විද්‍යා පදනමට මේ සාකච්ඡාව සඳහා යන්නෙ…  ඊයේ තිබුණෙ මධ්‍යම ආදායම් උගුලෙන් ගොඩ එන්නෙ කොහොමද කියන කතිකාවත….. එතැන හිටපු රුපියල් අස්සෙ මම අළුක්කාලක්… නමුත් දන්නා අඳුනන මුහුණු ටිකක් හිටපු නිසාම ඔවුන් අතරෙ මමත් අසුන් ගත්තා… එතකොටම තමයි රූපවාහිනී මාධ්‍යවලින් එතැනට ඇවිත් පෝඩියම් එකේ මයික්  ගහන්න ගත්තෙ… එතැන හිටපු විද්වතෙක් කිවුවෙ ඔය ඇමතිතුමා කියන කතාවක මොකක් හරි කෑල්ලක් අහුලගෙන යන්න හදන කට්ටිය කියලා එතකොටම තමයි ඇමතිතුමා සම්ප්‍රාප්ත වුනේ… මෙන්න අර විද්වත්තු ඔක්කෝම දඩිබිඩි ගාලා නැගිටින්න ගත්තා…. අනේ අපේ මොළ ටිකට ගිය කළක්….. මාන්නයට නෙවෙයි… මම ඔය වගේ සීන් වලට කැමති නෑ… මමත් යංතං පුක උස්සලා ආයෙම වාඩි වෙලා හිටියා….

නමුත් මනුස්සයා කියපු කතාවල සෑහෙන ඇත්තක් තිබුණා… අපි සංදර්ශනාත්මක, විනෝදාස්වාදය මුල්කොට ගත් ආයෝජන අඩු කරලා, විද්‍යාව සහ තාක්‍ෂණය පෙරදැරි කර ගත් ආර්ථික ක්‍රමයකට යාමේ අවශ්‍යතාවය ඔහු පෙන්වා දුන්නා… ඇත්තෙන්ම එතැන හිටපු හැමෝම බොහොම උගත්, ඇසූ පිරූ ඇති අය… ආචාර්ය ලලිත සිරි ගුණරුවන් බොහොම ගුණදායක දේශනයක් සිංහලෙන් කළා… මහචාර්ය එස් එස් කොළඹගේ විසින් විද්‍යාව හා තාක්‍ෂණය නිසා රටට ඇතිකර ගත හැකි සංවර්ධනය ගැන අපූරු විග්‍රහයක් කළා.. ඇමතිතුමාත් ඉතාම නිවැරදි සංඛ්‍යා ලේඛණ පාවිච්චි කරලා තැනට සුදුසු කතාවක් කළා…. ඒ වගේම එතැබ හිටපු විද්වතුන්ට කතා කරන්නට ඉඩ හැරලා තමන්ට හැකි දේ පමණක් කිවුවා…

ඒ වුනාට  පස්සෙන්දා සිරසෙන් කිවුවෙ නං ආණ්ඩුවේම ඉඳගෙන ඇමතිතුමා ආණ්ඩුවේ ආර්ථික පිළිවෙත විවේචනය කඑනවා කියලා… එතැන සාකච්ඡා වුන කිසිම හොඳ දෙයක් නොදාපු මාධ්‍යය ඒ විනාඩියේ කියපු දෑ කිහිප වතාවක් ප්‍රචාරය කළා… මුංගෙ අම්මගෙ මාධ්‍ය තමයි මේ…

පැනල් එක

පැනල් එක

කාලෙකට පස්සෙ බොහොම පළදායක දෙයක් කතා වුන තැනක්… මේ සියල්ල එක දිනකින් අවසන් වේවිද කියන පැණයත් හැමෝම ඇහුවෙ ඇමතිතුමාගෙන්… එතුමා නං කිවුවෙ මේ කතිකාවත තවත් ඉදිරියට ගෙන යන බවක්…

නමුත් අළුත් කැබිනට් සංශෝධනයෙන් පස්සෙ විද්‍යාව හා තාක්‍ෂණ ඇමති ධුරයට මොළය කළඳක් නැති කඳ බඩ විතරක් ඇති කෙනෙක් පත් වු‍නොත් ඉතිං අයියෝ සල්ලි තමයි…

එතකොට ඉතිං විදුලි බලයට වෙච්චි වින්නැහියම විද්‍යාව හා තාක්‍ෂණයටත් වේවි….. විද්‍යාව හා තාක්‍ෂණයට අබ සරණයි !

බලන් කඩතුරා හැර දෑසේ…. කාබන් ඩයොක්සයිඩ් ශ්‍රී මහා බෝධියට අකැප නම්, කළුතර බෝධියයි බෙල්ලන්විල බෝධියයි පවතින්නෙ කොහොමද ?


පණ්ඩිත් අමරදේවත්, ටී එම් ජයරත්න මහතාත්, මහින්දයේ නැටුම් ගුරුවරයා වුන ප්‍රේමදාස ශ්‍රී අලවත්තගේ මහතාත් තුන් දෙනා ඒ කාලෙ බොහොම හොඳ යාළුවො… දවසක් තුන්දෙනා කතරගම ගියේ ඒ යාළුකමට වුනත්, අලවත්තගේ මහත්තයා හීනියට පොඩ්ඩක් දාගෙන තමයි ඉඳලා තියෙන්නෙ… ඒ කාලෙ දැන් වගේ කතරගම දෙයියොන්ගෙ පිහිට පතන්න අසූහාරදාහක් සෙනඟ නොහිටිය නිසාම ඒ තුන්දෙනා කතරගම දේවාලෙ ඇතුලෙ හොඳට වාඩි වෙලා කතා කර කර උන්නලු…

කතරගම දෙයියො ආවරණය කරලා තිබුණ තිරය එකපාරටම සුළඟට සෙලවෙන්න ගනිත්දි, ටී එම් ජයරත්න මහත්මයා කිවුවලු, අන්න කතරගම දෙයියෝ අලවත්ත මහත්තයා බීපු නිසාද කොහෙද බලනවා කියලා… එතකොට තමයි අලවත්ත මහත්තයා කියලා තියෙන්නේ…. ඔය කඩතුරාව නෙවෙයි හැරලා බලන්න ඕන… දෑස වසාගෙන තියෙන කඩතුරාව කියලා…

ඒ අනුව තමයි අලවත්ත මහත්තයා මෙන්න මේ ගීය ලියලා ටී එම් ජයරත්න මහත්තයාට දීලා තියෙන්නෙ…

මිනිසා මේ ලොව බිහි වූ දා පටන්ම නොදන්න දේවල්, අමුතු දේවල් කෙරෙහි දැක්වූයේ ගෞරවයක්. ඉරට – හඳට පොළවට මිනිස්සු වැන්දෙ බයට.. ගින්දර දේවත්වයේ ලා සැලකූවේ උණුසුම දෙන නිසාම නොවෙයි…. තේරුම් ගන්න බැරි වුන නිසා…. විශාල රූස්ස ගස්වලට මිනිස්සු වෘක්‍ෂ දේවතාවො කියලා වැන්දෙ, මිනිස්සුන්ට ඒකෙන් සෙවණ, ආහාර ලැබුණ නිසාම පමණක් නොවෙයි… ඒ ගස්වල මහා බල පරාක්‍රමය මිනිස්සු දෑහින් දැකලා දරා ගන්න බැරි වුන නිසා… මේ නිසාම මිනිස්සු එක එක දේවල් දේවත්වයෙන් සැලකුවා… තමන්ට තේරුම් ගන්න හැකි- නොහැකි ආකාරය අනුව…

මේ දේවල් පාරම්පරිකව අතීතයේ සිට වර්තමානය දෙසට ඇදී ආවා.. විවිධ ස්ථානවල දේවස්ථාන පිහිටවුනා… විවිධාකාර අන්දමින්… දැනුත් සිදු වෙනවා.. තව අවුරුදු 50 කින් විතර බැලුවොත් බුදු හාමුදුරුවො වැඩ සිටියෙ ඉන්දියාවෙ නෙවෙයි… පන්නිපිටියෙ දෙවුරම් වෙහෙරේ කියලා කියවුනොත් පුදුම වෙන්න දෙයක් නැතිවෙයි… පසුගිය දවසක දෙව්රම් වෙහෙරෙ රාවණා රජ්ජුරුවොන්ටත් පූජා සිද්ද වුනා….  මහා පෙරහැරකුත් තිබුණා.. ඉස්සරහට තව තව දේ වේවි.. එදාට දෙව්රම් වෙහෙරේ බෝධීන් වහන්සෙට රාවණා රජතුමා එනවා කියලා කිවුවොත් ඒකත් පිරී ඉතිරිලා යාවි…. VVIP කට්ටියත් එනවා… දෙව්රම් වෙහෙරේ අංගම් පොර බලන්න…. සල්ලි වල බලේ…. මීට අවුරුදු 20 කට පෙර ඔතැන තිබුණෙ තනිකර කුඹුරක්… පායන කාලෙ අපි නාන්න ගියේ එතැනට…

කතරගම දෙයියන්ගෙ උපන් දිනේ සැමරුවලු… හැපි බර්ත් ඩේ කිවුවා…. ලක්‍ෂ දෙකක් විතර ගියාලු… සෙලිබ්‍රේෂන් එකටත්… ඒ වුනාට එක්කෙනකුටවත් අතට අත දීලා විශ් කරන්න බැරි වුනේ හදිසි ආරාධනාවකට කතරගම දෙයියෝ කොල්ලුපිටියෙ පැත්තෙ ගිහින් හිටිය නිසාලු…

දැන් ලංකාවෙ හිට්ම ටෙලි නාට්ටිය අත්තම්මා ලු… ඒකෙ තියෙන යන්ත්‍ර මන්ත්‍ර ගැන දැක්කාම අනේ අපි විද්‍යාව ඉගෙන ගන්නෙ මොකටද කියලා හිතෙනවා… ඇත්තෙන්ම උසස් පෙළ විෂය නිර්දේශයට යන්ත්‍ර මන්ත්‍ර ගුරුකම් ගැනත් වෙනම විෂයක් දාන්න වෙයි…. ලොක්කත් ඉතිං සුරේ අල්ලෙ තියාගෙනම නෙ ඉන්නෙ… තුන්සිය හැටපස් දවසෙම…. තව මොනවද ?

කොහොමත් සාමාන්‍ය මිනිස්සු දැන් දැන් අභූත දේවල් විශ්වාස කරනවා වැඩියි… වෙන එකක් තියා මට අද අපේ මැනේජර් කෙනෙක් ෆොටෝ වගයක් පෙන්නුවා…  එළි වගයක් තියෙනවා කියලා… බැලුවාම කැමරාවෙ ලෙන්ස් එකේ දූවිලි වගේ… එහෙමත් නැතිනම් මිරර් එකේ දූවිලි…. මම ඉතිං කැමරාවෙ ඒ ඒ එළි තියෙන තැන් වල දුර ඇනලයිස් කරලා පෙන්නුවෙ ඒ හැම එලි දෙකක් අතරම දුර එක හා සමානයි කියලා… පස්සෙ තමයි කිවුවෙ කැමරාව සුද්ද කරන්න දුන්නා කියලා…

කතරගම විශ්‍රාම ශාලාවක ලොකු බූරු පිටියක් පවත්වාගෙන ගිහින් පොලීසියට අහු වෙලා…. ඔය සූදු කාරයොන්ට ඔච්චර අනුහස් තියෙන කතරගම දෙයියො දඬුවම් දෙන්නෙ නැද්ද ?

බුද්ධාගම දර්ශනයක් විදියට මම දකින දැක්ම ගැන මගේ හිතේ  කිසිම අවිශ්වාසයක් නෑ….

ශ්‍රී මහා බෝධීන් වහන්සේට වාහන දුම වදින නිසා අච්චර ශ්‍රද්ධාවෙන් මර්වින් සිල්වා මැතිතුමා කරවපු රථගාල අයින් කරලා…. නමුත් ඔය තර්කයම වෙන තැනකට ගෙනාවොත්, වාහන සිය දහස් ගණනක් දවසකට මාරුවෙන තැනක අච්චර පාර අයිනෙම වැඩ සිටින කළුතර බෝධීන් වහන්සෙයි බෙල්ලන්විල බෝධීන් වහන්සෙයි කොළ පැහැති අතු රිකිළි දාගෙන හොඳින් වැඩෙන්නෙ මොන ආශ්චර්යයක බලයෙන්ද ? මම නම් හිතන්නෙ ශ්‍රී මහා බෝධීන් වහන්සේගේ දිරාපත් වීමට හේතුව රජරට ඇති පාරිසරික සාධක කියලයි…

අපේ උපාසකම්මලා ඉහින් කණින් හති දාගෙන පැන් කළ හතක් වඩම්මවලා බෝධීන් වහන්සේලා ස්නානය කරවන  පැන් අහල පහල කානුවකට හෝ වැවකට යන්න සලස්වලා තියෙනවා කියලා දන්නෙ කීයෙන් කී දෙනාද ? මේ ආකාරයට බෝධිය නාවන නෑවිල්ලට උන්වහන්සෙට ජල සන්නිය හැදිලා ඉතිරි වුනොත් ඇති. මොර සූරන වැස්සෙත් කල හතක් ම නාවනවා. භක්තිය කියන්නෙ එකක්…. අන්ධ භක්තිය කියන්නෙ තව එකක්…. ඒ වගේම මේ ආගමික සංහිඳියාව පවතින මේ අවධියෙ පැන් කියලා මොන වහක් බෝධීන් වහන්සෙට දාන්න බැරිද ? ඒ නිසාම තමයි මේ ආරක්‍ෂක උපක්‍රමය අරගෙන තිබෙන්නෙ. ගමේ බෝධීන් වහන්සෙට ඔය ප්‍රශ්න නැති නිසා තමයි නාවන පැන් සියල්ල බෝධි ඝරය තුළට එකතු වෙන්නෙ.

රජරට, අනුරාධපුර පැත්තෙ ආසනික් සහිත ජලය නිසා වකුගඩු රෝගය ඇති වෙනවලු….  ඉතින් බෝධීන් වහන්සේටත් පූජා කෙරෙන්නේ ඒ ටැප් වලින්ම එන ආසනික් සහිත ජලයමද කියලා කවුද දන්නෙ ?

ගෝඩ් නාථ ම තමයි…..

කැසිනෝ එපා…. නෑ යකෝ… කැසිනෝ ඕන…


රතන උන්නාන්සේ විරුද්දව ඡන්දය දුන්නේ කැසිනෝ අනිත් එවුන්ට නරක නිසා නොව උන්නාන්සෙට ගහන්න යන්න බැරි වුන නිසා යැයි මගේ ඔලමොට්ටල හිතට ආපු මහා අසමජ්ජාති අසික්කිත මූලධර්මවාදී අසෝභන අවලං සිතුවිල්ලත් එක්කම අාපු යටිබඩේ කැසිල්ලත් එක්ක අපට ඇත්තටම කැසිනෝ ඕන දැයි මට සිතෙන්නට පටන් ගත්තේය….

ඇත්තටම අපට කැසිනෝ එපා ය. ඕනය. කැසිනෝ එපා කියන සත්ගුණවත්, දානපති, ශීලවන්ත, චරිතවත්, අවංක, ගුණගරුක, මහත්තැන්ලාගේ ඇනලිසිස් එක වන්නේ කැසිනෝ ආපසු අපේ ධර්මද්වීපයේ ගණිකා වෘත්තිය සහ දුරාචාර වැඩි වෙන බවය….

large

යකඩෝ… මේක එහෙමත් එකක්ද ?

දවසකට ගබ්සා 800 ක් වෙන කොළඹ රටේ.

දවසකට ළමා අපචාර 5 කට වඩා වෙන මේ රටේ

ගණිකාවන් 40,000 ක් දිනපතා සේවයේ යෙදෙන මේ රටේ

දවසකට AIDS ආසාදිතයන් තුන්දෙනා බැගින් වැඩි වෙන මේ රටේ

දවසකට ස්ත්‍රී දූෂණ 10 ක් පමණ වෙන මේ රටේ

කැසිනෝ තුන හතරක් දැම්මාම ගණිකාවො 8,000 ක් වැඩි වුනා කියලා… මේ රට ධර්මද්වීපයක් වෙනවද යකෝ ?

කැසිනෝ ගහන්න යන්නේ කවුද ?

මෙන්න උදාහරණයක්….. මෙන්න මෙහෙමයි කැසිනෝ නිසා අපරාධ වැඩි වෙන්නෙ……

queen-casino2හරමානිස් කළේ පයිලට් රස්සාව…. සාමාන්‍යයෙන් රුපියල් ලක්‍ෂයක් විතර දවසකට හම්බකරගෙන, ගමේම ගලායන  ඕගැනික් දොලපාරෙන් නාලා…. කෙන්ජියා ගහන සෙන්ට් බෝතලෙන් බාගයක් හලාගෙන… ඔන්න උගේ අළුත්ම බෙන්ස් එකෙන් යනවා කැසිනෝ ගහන්න… එතැනදි හම්බ වෙනවා මරදන්කඩවල පැත්තෙන් ගෙනැල්ලා බාපු  ඉංගිරිස් කතා කරන අඟල් හයේ සායක් ඇඟ ලාපු විස්කි වගේ දහ අටේ ඉටිකිරිස් කෑල්ලක්…. ඉතිං යකෝ කාටද උදේ බීපු වැල්පෙනෙල කොක්ටේල් එකේ පවර් එක නොදැනෙන්නෙ ? ඒ ඉටිකිරිස් කෙල්ල හරමානිසාට අළුත්ම Blue Label එකක් කඩලා වීදුරුවකට අයිස් ටිකක් දාලා දෙන ගමන් අහනවා…

casino_novo

What’s youuuuuur Naime darling කියලා…

හරමානිසත් නිකං ඇරියෙ නෑ,..

My naime eeees,… Hermainis….

Wow,.. dat’s a niiiiice naime…..

යකඩෝ හරමානිසා බස බස ගාලා කඩ්ඩ දානවා…. ආශ්චර්යය ළමයෝ…. ආශ්චර්යය…. ගමට ඉංගිරිසි ගිය එකේ රඟ දැන් පේනවා නේද ?

ඔන්න ඔහොම පස්වෙනි සිල්පදේ කඩපු හර්මේනීස් ගෙන් අර ඉටිකිරිස් කෑල්ල මෙහෙම අහනවා..

Are you marrieeeeed ?

හැට පැනලා හොට බිම ඇණුනත් හර්මේනිස් ඉතිං පුරුස ධෛර්යය ඇති කොල්ලා නිසාත්,….. සාමාන්‍යයෙන් පයිලට් රස්සාව කරන අතරේ නවරත්න මුද්දයි අඟල් බාගෙ රත්තරං චේන් එකයි නොදාන නිසාම හර්මේනිස් පේන්නෙත් බැචුලර් කෙනෙක් වගේ…

No darling,…. who gets married these days ?

අම්මට සිරි… ඉංගිරිසි බඩයනවා….

ඔන්න හතරවෙනි සිලපදෙත් කඩපු හර්මේනිස්ගෙ තුන්වෙනි එක කැඩෙන්නෙ කැසිනෝ එකේ කාමරේකදි…. වැල්පෙනෙල වල ෆිට් එක දැනෙන්නෙ ඔය වෙලාවට…. එක පාරක් නෙවෙයි… දෙතුන් පාරක්ම කැඩුනා….

දැං ඉතිං හර්මේනිස්ට මේ දහ අටේ ඉටිකිරිස් කෑල්ල අයිති කරගන්නමයි හිත…. සල්ලි ටිකක් එහෙන් මෙහෙන් විසි කරලා.. හර්මේනිස් මේ කෙල්ලව පන්නගෙන ගෙදර යන්න හදන්නෙ දෙවනි සිල්පදෙත් කඩාගෙන….

ඔය යන අතරේ තමයි හෝටලේ බවුන්සරයා මේක දකින්නෙ…. ඒක දැකපු බවුන්සරයා කෙල්ල බේර ගන්න පනිනකොටම හර්මේනිස් ළඟ හිටපු එකෙක්ගෙ සෙල්ලම් පිස්තෝලෙ අරන් නිකං උළුක්කු කළේ සෙල්ලමට වගේ…

කරුමෙට බ්‍රේක් නෑ කිවුවා වගේ ඒ වෙලාවෙ එතැනින් වැඩ ඇරිලා ගෙදර යන අහිංසක කාර්යාල සේවකයෙකුගෙ ඔළුවටම ඒ සෙල්ලම් පිස්තෝලෙ පත්තු වෙන්නෙ හර්මේනිස්ගෙ කරුමෙටද නැත්තං අර අහිංසකයාගෙ කරුමෙටද කියලා දැනගන්න ලැබුණෙ නෑ… පස්පවු පහම කැඩුනා….

ඔන්න නඩු දවස ආවා…. හේමන්ත වර්ණකුලසූරිය මහත්තයා හර්මේනිස් වෙනුවෙන් පෙනී හිටිය නිසා බේරුණා… නඩුවෙ තීන්දුව වුනේ…

අවේලාවේ මේ රජයේ සේවකයා තමන්ට නුසුදුසු නොගැලපෙන ස්ථානයක් වූ ධනකුවේරයින් ගැවසෙන මේ හෝටලය ඉදිරියෙන් ගමන් කළ අවස්ථාවේ එතැන සිදු වූ සෙල්ලම් වෙඩි තැබීමකින් මිය ගිය නිසා…. ඒ අවස්ථාවේ නුසුදුසු තැනක සිටි මේ රජයේ සේවකයා වරදකරු බවත්, මේ නඩුව නිසා හර්මේනිස් මහතාට සිදු වූ චරිත හානියට වන්දි ගෙවීම පිණිස මේ මියගිය රජයේ සේවකයාගේ සේවක අර්ථසාධක අරමුදලෙන් 95% ක මුදලක් යොදා ගන්නා ලෙසත්… මේ අධිකරණය ඉදිරියේ දැනුම් දෙනු ලබන වගයි….

ඉතිං යකෝ….. මේ කැසිනෝ එක නිසා, හතර පෝයට සිල් ගනිපු හරමානිසා නිකං පවු කාරයෙක් වුනා නේද ? හේමන්ත වර්ණකුලසූරිය මහත්තයා නොහිටින්න හරමානිසා වැලිකඩ කූරු ගණන් කරනවා…

ඉතිං තවත් අහනවද කැසිනෝ ඕනද කියලා ?

 

2014 අප්‍රේල් 13 : බ්ලොග් ලෝකයේ අවුරුදු හතරක්……. අළුත් අවුරුද්දටත් විද්‍යාත්මක පැත්තක් තියෙනවා……..


අද 2014 අප්‍රේල් 13 යි

2010 අප්‍රෙල් මාසෙ අවුරුදු දවසෙ ගෙදර ඉන්නකොට තමයි හිතුනෙ මගේ දැනුමත් ලෝකය එක්ක බෙදා ගත්තොත් හොඳයි කියලා. එදාම බ්ලොගයක් හදාගෙන මම මුලින්ම බ්ලොග් ලෝකයට පා තැබුවෙ අවුරුදු හතරකට පෙර අද වගේ දවසක….

එදා මම මුලින්ම ලියපු

අළුත් අළුත් දෑ නොතනන ජාතිය ලොව නොනගී – කුමාරතුංග මුනිදාසයන් 2010 අප්‍රේල් 13

කියන ලිපියේ අන්තර්ගතය තුළ තවමත් මම එල්බගෙන ඉන්නවා.

ගමේ අවුරුද්ද (සිංහල හෝ දෙමළ වශයෙන් බෙදා වෙන්කරන්න මම කැමති නැහැ) කියන්නෙ පරිසරය හා බද්ධ වෙච්ච සංස්කෘතික උත්සවයක්. නගරයේ අවුරුද්ද බොහොම වෙනස්…

ගමේඅවුරුදු පටන් ගන්නෙ අවුරදු මාසෙට බොහොම ඉස්සර….යමක් කමක් ඇති අය ගෙවල් හුණු පිරියම් කරද්දි, ගෙදර ගොම මැටි ගෑම හෝ කරන්න අනෙත් අයත් වග බලා ගන්නවා… ගොම-මැටි මිශ්‍රණය කියන්නෙ ඇත්තෙන්ම විශබීජ නාශනය කරන මිශ්‍රණයක්. එයින් සිදු වෙන්නේ නිවස තුළ ඇති ක්‍ෂුද්‍රජීව ක්‍රියාකාරීත්‍වය පාලනය කිරීම. මෙය විද්‍යාත්මකව නොදැන සිටියත් ගැමියා ඒ දේ පාරම්පරිකව කරගෙන ආවෙ කිසියම් සත්‍යතාවයක් ඇති නිසා. අවුරුද්දට දින කීපයකට පෙර වලක් කපා කෙසෙල් කැණක් වල දමන්නෙ අවුරුද්ද දවසට කෙසෙල් ඉදවා ගන්න… දැන් වගේ මැලතියන්, එතිලීන්, ෆෝමලීන් ගහලා නැති, ඉතාම පිරිසිදු කෙසෙල් අපට ලැබුණෙ එහෙමයි. හැකියාවක් තිබෙනවා නම් ගෙදර ලිඳත් අවුරුද්දට ඉස්සර ඉහලා පිරිසිදු කරලා අළුත් අඟුරු කැට කීපයක් එයට එක් කරනවා. අඟුරු වලින් සිදු වෙන්නෙත් අහිතකර දෑ උරා ගැනීම… එතැනත් සිදු වන්නේ විශබීජ නාශනයක්… දැන් කාලෙ වගේ ෆිල්ටර් හරහා පෙරා ජලය පානයක් තිබුණෙ නැහැ. අඟුරු කැබැල්ලක් සමඟ කළයට දාගනිපු වතුර හැම වෙලේම පිරිසිදුයි. ඒ වගේම සිසිල්.. කළයේ පෘෂ්ඨය හරහා ජලය වාශ්ප වෙනකොට කළයේ ඇති ජලය සිසිල් වෙනවා… හරිම සරළයි… ඒ වගේම වී – සහල් කරලා ඉතිරි වෙන වී පොතු සහ බොල් වී ගොඩ ගසා ඇති බොල් වී ගොඩ ගිනි තබනකොට ගෙදර ඇති ගුරුලේත්තුව සහ කළයත් ඒ මතම නවනවා… අවසානයේ ලැබෙන්නෙ ඉතාම නැවුම් රහක්, සුවඳක් ඇති ජලය ලබාදෙන කළයක්, ගුරුලේත්තුවක්… ඒ රස කවදාව‍ත් ෆිල්ටරයකින් ලැබෙන්නෙ නෑ,..

අවුරුද්ද ලංවෙනකොට නෑදෑයො බොහොම දෙනෙක් ගමේ එන්නෙ තමන්ගේ දෙමාපියො වැඩිහිටියො, නෑදෑයොත් එක්ක ඒ දින කීපය හෝ ගත කරන්න…  ඒ සංතෝෂය නිරාමිස සතුටක්…. හැමෝගෙම මුහුණුවල සිනාව ඉතිරෙනවා…. තරහක් මරහක් හිතේ තිබුණත්, බුලත් අතක් දීලා වැඳලා සමාව ගත්තාම ඒ සියල්ල අවසන්… නමුත් දැන් නම් අවුරුදු ගානක් හිතේ තියාගෙන ඉඳලා වටකරලා ගහන්න තරම් අපේ මිනිස්සු පහත් තත්ත්‍වයට පත් වෙලා…

පුණ්‍ය කාලෙට ආහාර අනුභවයක් සිදු නොකරන්නෙ බඩටත් කිසියම් විවේකයක් දීමට අවශ්‍ය නිසා… මුස්ලිම් ජනතාව මාසයක් තිස්සේ හැමදාම කරන නෝම්බි අැල්ලීම වගේ දිනක් බඩගින්නේ ඉඳලා ආහාර ගන්නවා වගේම අවුරුද්දෙදි කරන්නෙත් කිසියම් කාලයක් නිරාහාරව ඉඳලා බඩ පදම් කිරීමක්…  ඒ වගේම සියළුම දෙනා එකට හිඳ ඒ කටයුතු කිරීමෙන් පවුලේ සමගිය, එකමුතුකම නැවතත් වර්ධනය වෙනවා. සමහරවිට අපි අපේ කාර්යබහුලකම නිසාම අපේ සහෝදර සහෝදරියන්ට හරියට එකතු වෙලා කතා කරන්න වෙලාවක් නැහැ. මේ නිසාම අවුරුද්ද දවසේ එකට එකතු වෙලා, කිසියම් ක්‍රීඩා කරලා, රාජකාරි වැඩ සියල්ල අත හැරලා, අමතක කරලා, බොහොම සැහැල්ලුවෙන් ඉන්න දවස් කීපයක් – මානසික සුවයක් ලැබෙන දින කීපයක්….

ඒ වගේමයි නව අවුරුද්දට ස්නානයත්, ශාක සාරයන් ඇසුරෙන් තනාගත් නානු හිසේ ගල්වා, නෑම නිසා සිද්ධ වෙන්නෙ හිසේ සෞඛ්‍යමත් බව දවසකට හෝ ඇතිවීම… ඉස්සර මිනිසුන්ගේ කොණ්ඩය දැන් අපේ වගේ අකලට පැසුනෙ නෑ… ඔවුන් ආහාරයට ගත්තෙ පිරිසිදු ආහාර ද්‍රව්‍ය, බිව්වෙ  පිරිසිදු ජලය, හුස්ම ගත්තේ පිරිසිදු වාතය… දැන් අපි නාන්නෙ ක්ලෝරීන් මුසු ජලය, කන්නෙ වසවිස, හුස්ම ගන්නෙ අධික විශ සහිත වාතය… මෙන්න මෙතැනයි අපේ වර්තමාන මිනිස්සුන්ගෙ සෞඛ්‍ය තත්ත්‍වය පිහිරීමට බලපාන ප්‍රධාන සාධකය..

ගමේ අවුරුදු හොඳින්ම අත් විඳපු කෙනෙක් ලෙස ඒ සුන්දරත්‍වය අද දරුවොන්ට ලැබ ගන්න අවස්ථාවක් නැති එක ගැන අප්‍රමාණව දුක් වෙනවා..  ඉස්සර ගමේ හැමතැනම නිදහසේ ඇවිදලා බෝවිටියා, දං, කැබෙල්ල, ටොංකිඥ්ඥා, කොතලහිඹුටු, පඩගෙඩි, ආදී නොයෙක් දෑ කඩාගෙන කාපු අපට මේ කිසිම දෙයක් ඇහින් දකින්නවත් නෑ දැං…. ඒ වගේම දරුවෙක් තනියම හෝ කිහිප දෙනෙකු වශයෙන් ගමේ යවන්න බයයි… ඔවුන්ට මොන අතවරයක් වෙිවිද කියා හිතා ගන්න බැරි තත්ත්‍වයකයි අපි ඉන්නෙ… මේ අපේ දුක්ඛිත යතාර්ථය… අපට මේ පැරණි තත්ත්‍වයට ආයෙත් යන්න බැහැ… යන්න පුළුවන් කියලා කියනවා නම් ඒක බොරුවක්… නමුත් අපට අපේ පැවතුම්, සිතුම් පැතුම්, නිසි මඟට හරවා ගන්න පුළුවන්…

සමාජයක් හදන්න විශාල රැල්ලකටවත්, දැඩි මතධාරී කණ්ඩායමකටවත්, දැඩි නීතිරීති වලටවත් බැහැ… සමාජයක් වෙනස් විය යුත්තේ සමාජයේ මූලිකම ඒකක වෙනස් කිරීමෙන්… තනි තනි පුද්ගලයින්, පවුල, ආදී ඒකක වෙන් වනවිට සමාජයක් කෙමෙන් කෙමෙන් වෙනස් වෙනවා…

අවුරුදු හතරකට පස්සෙ මම ඉන්නෙ මෙතැන… බ්ලොග් ලෝකය හරහා මම බොහෝ දේ ලබා ගත්තා.. මම දැනුම, සයිබර් මිතුරන්, සැබෑ ලෝකෙ මිතුරන්, කිසියම් ප්‍රසිද්ධියක්, නින්දා අපහාස, ආදී සියල්ල ලබා ගත්තෙ බ්ලොග් අවකාශය හරහා… ඉතිං කොතරම් කාර්ය බහුල වුවත්, ඉඳහිට හෝ බ්ලොග් අඩවිය යාවත්කාලීන කරන්න අමතක කරන්නෙත් නැහැ…

අද සිට ඔබත් හරි දේ කරන්න, හරි දේ ආහාරයට ගන්න, හරි දේ බොන්න (සුරාමේරය ගැන නොවෙයි මේ කියන්නෙ), හරියට ජීවත් වෙන්න උත්සාහ කරන්න… මුලදි අමාරු වෙයි… ඒත්, හරි මාර්ගයට වැටුනාම – ඒ වෙනස ඔබටම තේරේවි….

සුබ අළුත් අවුරුද්දක් !

බ්ලොග් ලෝකයේ අළුත් අවුරුදු උත්සවේදි හමුවෙමු….

ආශියාන්තරේට මුක්කුද අප්පා උණේ ?


මැලේශීයා ආශියාන්තරේ අන්තරස්දාන වෙලා තවම දවස් ටිකයි නෙ… මමත් මෝඩකමට දැම්මා පොරවල් වලට අභියෝගයක්… කියපල්ලකෝ තියෙන තැන කියලා… කියලා කට ගන්න ලැබුණෙ නෑ ආයිබොවං…. අර ගියපාර 20/20 කුසලානෙ අපි අනිවාර්යයෙන්ම ගන්නවයි කියපු බණ්ඩාර හ්උත්තමයා ටක්කෙටම හරි යන්න කිවුවෙ නැතෑ මෙන්න මෙහෙම…

මේක හරියන්නෙ නැති නිසා මම අපේ රටට නම්බුවක් ලබා දෙන්න කියලා දන්න කියන කීප දෙනෙක්ගෙන් ආශියාන්තරේට වුනේ මුක්කුද අප්පා කියලා හැවුවා….

රනිල් වික්‍රමසිංහ : මේක ඇවිල්ලා මැලේසියානු ආණ්ඩු පක්‍ෂයේ කුමන්ත්‍රණයක්… මේ පාඩු පිට දුවන සුදු අලියෙක් වෙච්චි මැලේසියානු එයාර් සමාගමේ පාඩු පියවගන්න කරන කුමන්ත්‍රණයක්… මොනවා වුනත් මේ පාර අපි ආණ්ඩුව ගෙදර යවන සටන ආරම්භ කරනවා මයි.

ආචාර්ය මර්වින් සිල්වා : ඔන්න මම අද කිවුවයි කියලා හිතා ගන්නවලා… ඕක කරන්න ඇත්තෙ ඔය පෑලියගොඩ ප්‍රාදේශීය සභාවෙ උන් ටික තමයි.. මුං දන්නෙ නෑ ප්‍රභාකරන්ට වුනේ මොකද කියලා…. අපිත් දුටු ගැමුණු පරපුරේ සිල්වලා තමයි… හරිද ?

විමල් වීරවංශ : සහෝදරවරුනි… මේක පැහැදිලිවම බටහිර බලවේගවල කුමන්ත්‍රණයක්… අධිරාජ්‍යවාදී ඇමරිකන් ආණ්ඩුවෙන් හයිජැක් කරලා…. ඔන්න බලන්න… තව ටික දවසකින්… ඡන්දෙ ඉවර වුනාම ඕක එලියට එනවා…

සරත් ෆොන්සේකා : මේක පැහැදිලිවම ආණ්ඩුවෙ වැඩක්… ඒකෙ ඉන්න කළවැද්දෙක් එන්ජිම ඇතුලට රිංගවලා කරපු වැඩක්… ආණ්ඩුවෙන් අපට ගැහුවට මේ යානාව ගැන ප්‍රකාශ නිකුත් කරන එක අපි නවත්වන්නෙ නෑ…

අනුර කුමාර: දැන් බලන්න අම්මෙ තාත්තෙ… මැලේසියානු අහස් යානාව හොයා ගන්න නෑ… මේකෙන් මොකද්ද අපි තේරුම් ගන්න ඕන. ? මේ පවුල් සංස්ථාවයි, රාජපක්‍ෂ ආණ්ඩුවයි එකතු වෙලා.. අහිංසක මැලේසියානු ජනතාවට යන්න තිබුණ ප්ලේන් එකත් අතුරුදහන් කරලා…. ඉතිං කොහොමද දුප්පත් මිනිහෙක් ප්ලේන් එකක යන්නෙ ?

සජිත් ප්‍රේමදාස : හිතවතුනි… ඔන්න බලන්න….. අද මත්තල ගුවන් තොටුපල තිබුණට…. නැති වෙච්ච ප්ලේන් එකක්වත් බාන්නෙ නෑ….. ඕක තමයි ආසියාවෙ ආශ්චර්යය….

දයාසිරි ජයසේකර : අද ඔය ප්ලේන් එක තිබුණ නං…. හම්බන්තොට වරායට ගොඩ බාන්නෙ කොහොමද ? ඒකෙ ගලක් තියෙනවා… (කවුදෝ යමක් රහසින් කිවුවා…) මම කියන්නේ….. අන්න ඒ ගල උඩට තමයි ගොඩ බාන්නෙ… ඒකයි මහින්ද චින්තනයේ ආශ්චර්යය… (හරි නේද ?)

කෙහෙළිය රඹුක්වැල්ල : මම හිතන්නෙ නං ඔය ප්ලේන් එකේ නියමුවාට නින්ද ගිහින් හීනෙන් ඇවිදගෙන ඇවිත් දොරත් ඇරගෙන පැනලා… ආයෙම මිනිහා උඩට යනකල් ප්ලේන් එක අහසෙ එකතැන නැවතිලා තියෙන්නෙ… ඒකනෙ රේඩාර් එකත් නැවතිලා තියෙන්නෙ….

රෝහිත රාජපක්‍ෂ : අපි යවපු සැටලයිට් එක ආධාරයෙන් ඕක හොයා ගන්න එක බොහොම සුළු දෙයක්…. වැඩේ තියෙන්නෙ ඒ සැටලයිට් එක තියෙන තැන අපි දන්නෙත් නැති එකයි…

පොලිස් මාධ්‍ය ප්‍රකාශක තුමා : ඔය ප්ලේන් එක ඇත්තටම ප්ලේන් එක විසින්ම පුපුරවාගෙන ඇති බවට සාධක අපට ලැබී තියෙනවා…. (මාධ්‍ය වේදියෙක් : එතකොට කෑල්ලක්වත් නැත්තෙ ?) ආ… ඒ පුපුරවා ගැනීමත් සමඟම ප්ලේන් එක මුහුදට පැනලා ඕස්ට්‍රේලියාව දෙසට පීනලා තියෙනවා… දැන් ඒක ෆිජී දූපත අසල නැංගුරම් දාලයි තියෙන්නෙ….

ආසනික් ආචාර්ය නලින් සිල්වා : මේ දවස්වල අපේ නාථ දෙයියො ජිනීවා වලට වැඩලා නිසා මුකුත් කියන්න අමාරුයි… සියළුම සම්‍යහ්දෘෂ්ඨික දෙවිවරු මේ දවස්වල ඉන්නෙ ජිනීවා වල… ඒ නිසා ඒ අයට මේ ගැන කියලා හොයන්න ටිකක් අමාරු වෙයි…

ජනාධිපතිතුමා…: බං… පොඩ්ඩක් කට වහලා හිටු… විසි නව වෙනිදට පස්සෙ ඕක මත්තල තියේවි හොඳේ… මේ ජිනීවා ඡන්දෙ ඉවර වෙනකල්… ජාත්‍යන්තර අවධානෙ පොඩ්ඩක් වෙන පැත්තකට යොමු කරන්න තියෙන අවස්ථාව කන්න හදන්න එපා හොඳේ…. (හා හා…. තව කොළ අතු ටිකක් කඩලා දාලා ඕක වහලා දානවා…. කැලේ පැත්තට කාටවත් යන්න දෙන්න එපා… මල්ලිට කියනවා ආරක්‍ෂාව හොඳට දෙන්න කියලා)

ඔන්න ඔහොමලු ඒකත් වුනේ….

ලෝකප්‍රසිද්ධ පොරක් වීමට මෙන්න මහඟු අවස්ථාවක්


malaysia-planeමලයාසියානු ගුවන් සේවයට අයත් ගුවන් යානයක් ඇඩ්‍රස් නැතිව අතුරුදහන් වී ඇති බව ලෝකයේ බොහෝ දෙනා දන්නා කරුණක්. ලෝකප්‍රසිද්ධ නිරීක්‍ෂණ ආයතන, රහස් ඔත්තු සේවා, නාවික හමුදා ආදී සියල්ල එකතු වී මේ ගුවන් යානය සොයන බවත් ප්‍රසිද්ධ කරුණක්.
අපේ රටෙත් ඉන්න ප්‍රසිද්ධ කට්ටියට ප්‍රසිද්ධ වෙනවා නම් ඔන්න ලෝක වීරයෙක් වෙන්න අවස්ථාවක්….
නාථ දෙයියොන්ගෙ බලෙන් ආසනික් හොයා ගන්න දෙවිවරුන්ට
බලං හිටියා වගේ සිදු විච්ච සිදුවීම් කියන ජෝතිෂ්‍ය කාරයින්ට
මාස හයෙන් සෝවාන් ඩිප්ලෝමා එක ගනිපු, අවුරුදු හයෙන් රහත් කරන සමන්තභද්‍රට
රත්තරං පොරවගෙන ඉන්න ගලේ දේවාලෙ කපුවට
රජතුමාගෙ දෛවඥ සුමනදාස අබේ ගූ උණ වර්ධනට
පලාත් සභා මන්ත්‍රී රත්තරං කපුවට
වෙන ඕනම පුද්ගලයෙකුට
ලෝක ප්‍රසිද්ධ පොරක් වෙන්න මෙන්න අවස්ථාව…

මලයාසියානු ප්ලේන් එක දැන් ඇති GPS ඛණ්ඩාංක කියලා පොරක් වෙන්න

පලි. A4 කොළවල ඛණ්ඩාංක ලියා පෙන්වීම තහනම්… (දන්නෝ දනිති)

ඇය නික්ම ගියාය…..


amma copy

 

අවසාන කටයුතු අගලිය – බද්දේගම නිවසේ සිදු කෙරෙන අතර පසුව දැනුම් දෙනු ලැබේ

පැමිණෙන ආකාරය.

කොළඹ ගාල්ල අධිවේගී මාර්ගයේ පැමිණ කුරුඳුගහ හැතැක්ම පිටවුමෙන් පිටවන්න

අම්බලන්ගොඩ දෙසට වමට හැරී මීටර 20 කට පමණ පසු නැවතත් වමට ගාල්ල දෙසට හැරෙන්න

යක්කටුව හන්දියෙන් නැවතත් වමට හැරී ඇත්කඳුර පසුකර කිලෝ මීටර 5.5 ක් පැමිණ තණබද්දේගම හන්දියෙන් දකුණට අගලිය දෙසට හැරෙන්න

අගලිය පාරේ කිලෝමීටර 4 ක් ගමන් කළ පසු නිවසට ලඟා විය හැකිය

නොආවා කියා තරහ වන්නේ නැත…

 

 

කියලා කට ගන්න වුනේ නෑ… ඔන්න හප්පගෙන……


මෙන්න විස්තරේ තියෙනවා පත්තරේ

 

වැඩි විස්තර අනවශ්‍යයි….

දැන්ම පියවරක් නොගත්තොත් මහා අනතුරක් අතලඟ


අපට බ්‍රේක් නැත… අපට බ්‍රේක් තිබුණත් ගහන්න හිතෙන්නේ නැත.. හිතෙන්නේම අනිකා ඉස්සර කරගෙන ගොස් ඉස්සරහින්ම යන්නය.. බයිසිකලේ ගියත් මොන්ටෙරෝවේ ගියත් අපට බ්‍රේක් නැත.. අප හිතන්නේ පාරේ යන්නේ අප විතරක් බවය.. මෝටසයිකල් කාරයෝ සහ ත්‍රීවිල් කාරයෝ හිතන්නේ පාර උන්ගේ කියාය.. ඩිංගක් බලයක් ඇති ප්‍රාදේශීය සභා මන්ත්‍රීයාගේ සිට ඇමතියා දක්වා හිතන්නේ උන් යනකොට අපි කාණුවලට බැහැලා උන්ට ඉඩ දිය යුතුය කියාය.

අපේ ජනාධිපතිතුමා තවත් අවුරුදු පන්දහසකට රජවෙන්න කටුනායක – පෑලියගොඩ එක්ස්ප්‍රස්වේ එක හදා නිම කළේ පැරණි රජදරුවන් අනුරාධපුරයේ සිට මාගම දක්වා හැදූ අඩි දෙසීයක් පළල ලොව පළමු එක්ස්ප්‍රස් වේ එකට නොදෙවනි වන්නට ය. වැඩේ හොඳය.. කටුනායක සිට පෑලියගොඩට නිසි වේගෙන් එනවා නම් වැය වන්නේ හරියටම විනාඩි 20 කි. නමුත් පෑලියගොඩ බෝතල් කටේ හිරවෙලා බොරැල්ලට එන්න පැය බාගයක් හෝ ඉතාමත් වාසනාවන්ත නම් පැයකට ආසන්න කාළයක් ගත වේ….

නමුත් ප්‍රශ්නය එය නොවේ… අපට බ්‍රේක් නැතිකමය. එක්ස්ප්‍රස් එකේ සීයට එන අපි පෑලියගොඩට ලංවත්ම අසූවට අඩු කළත්, අපට බ්‍රේක් නැති නිසා හැටට හැටේ ඇරලා එන්නේය. පෑලියගොඩ පාලමට එකතු වන විට අපි පෑලියගොඩ ඉන්නබව මතක් වෙන්නේ පාලමෙන් බාගයක් ගිය පසුය… නුවර පාරේ බස් කාරයෝ සහ ත්‍රීවිල් කාරයෝ එන්නේද හැටට හැටේ ඇරලාය.. මේ දෙකම එකතු වෙන්නේ පෑලියගොඩ පාලම මතදීය…

CKE Opening - 2013_10_27

දිනක් අපි ගාල්ලේ සිට එනවිට සුදු පැහැති මොන්ටෙරෝවක් කාණුවක් තුළ තිබුණේ කොට්ටාව ටෝල් බූත් එකේය.. එතැන නවත්තන්න අනිවාර්ය බව දැන දැනත් ඒ අහිංසකයා කාණුව වන්දනා කිරීමට සමත්ව තිබුණේ අපේ රෝඩ් ඩිසිප්ලින් එකේ ඈස් චරිය මොනවට කියාපාමිනි.

පෑලියගොඩ පාලම මහා විනාශයක පෙර නිමිත්තකි. අදින් ඇරඹෙන්නේ අනතුරු නිවාරණ මාසයයි. මෙතැන මහා විනාශයක් වන්නට පෙර කටුනායක පෑලියගොඩ එක්සිප්‍රස් වේ එකේ අවසාන කොටසේ ස්පීඩ් බම්ප් දෙක තුනක් දැමීමෙන් මේ විනාශය මඟහරවා ගත හැක

ඔබ මෙය වගකිවයුත්තන්ට පවසා ලකුණු දමාගත්තාට කමක් නැත… මට ලකුණු අවශ්‍ය නැත.. මට අවශ්‍ය අනතුරක් වලක්වා ගැනීමටය…

එක්ස්ප්‍රස්වේ එකේ රිය පදවන ඔබත් මේ ගැන සැලකිළිමත් වන්න. මෙතැන වේගය අඩාල කිරීමට මටත් මතක් වූයේ හන්දියටම පැමිණි පසුය… එය බොහෝ දෙනෙකුට එසේ වනු ඇත…

දැන්ම ක්‍රියාත්මක වන්න…. ඔබත් පරෙස්සම් වන්න.. අප සතුව ඇත්තේ, කකුල් දෙකක්, අත් දෙකක්, එක හිසක් සහ එක ජීවිතයක් පමණක් බැවිනි… අප වෙනුවෙන්, අප නිසා ජීවත්වන බොහෝ දෙනෙකු අප වටා සිටින බැවිනි.

ඔබ සැමට අනතුරු රහිත මාසයක්, වසරක්, වේවා !

ආණ්ඩුව මෙතරම් කාර්යක්‍ෂම නං …… ඇයි අපි ඈස්චරිය අනාගන්නෙ ….. ?


අපේ ආණ්ඩුව තරම් කාර්යක්‍ෂම ආණ්ඩුවක් මේ ලෝකේ හතර දිග් භාගයේම නැතැයි අපේ අතිගරු ජනාධිපතිතුමා උදම් ඇනුවේ ඇස්චරියේ විහිදුම් සේලය දිගේ රේන්ජ් රෝවරයෙන් ලයිසන් නැතුව යන අතර මගදීය. ආණ්ඩුව කෙසේ වෙතත් ජනාධිපතිතුමා, ගෝඨාභය සහ බැසිල් තුන් කට්ටුව නම් අතිශය කාර්යක්‍ෂම බවට විවාදයක් නොමැත. මේ තුන්දෙනා හිටියාම ඇත්තටම ආණ්ඩුවක් අවශ්‍ය ද නැත.. මොකද කියනවා නම් අපේ රටේ 90% ක්ම පාලනය කරන්නේ මේ තුන්දෙනා නිසාය. එසේම ඒකද නියමෙටම කරනවාය.

දියත උයනට ගියාමත්, කොළඹ පැත්තේ සිදුවන දේ දිහා බැලුවාමත්, ටී එන් ඒ එකට වෙච්චි දේ ගැන සිතා බැලුවාමත් තුන් දෙනාගේම කාර්යක්‍ෂමතාවය පිළිබඳ හොඳ මිනුමක් ගත හැකිය. ඒ ගැන කතා දෙකක් නැත. ඒ වුනාට කතා කරන්න සිදු වෙන්නේ මේ හැට හුටහමාරක් ඇමතිවරු සහ නියෝජ්‍ය ඇමතිවරු (නො)කරන  දේ ගැනය.

අධ්‍යාපනය දී තිබෙන දෙන්නා ඒක හොඳටම අනාගෙන කනවාය.. ආදරුශමත් උසස් අධ්‍යාපන ඇමති කැසිනෝද ගහන්න ගොස් තිබෙන බවට පුරසාරම් පවා දොඩනවාය.. මමත් දවසක් ඇට්ලැන්ටික් සිටි එකේ ට්‍රම්ප් ටවර් එකට ගොස් ඩොලර් දෙකක්  දමා ජැක්පොට් ගසා ඩොලර් පණහක් දිනා ගත්තෙමි.. එපමණය.. ඉන් පසු ජැක්පොට් ගැසීමට හිතුනේම නැත. ඒ මගේ ගැම්බිලිං කිරීමය… තව ටික දවසකින් ගණිකා වෘත්තිය නීතිගත කරන්නට නීති සැකසුනොත් මම කැසිනෝ විතරක් නොවෙයි හොඳට බඩුත් ගහලා තියෙනවා යැයි එතුමා පුරසාරම් දොඩවනවා නියතය. (අපි නොදන්නවා යෑ ඔබතුමාගෙ කළු දෙදොල් ආසාව) එතුමාගේ ගමන් සගයා මොන්ටිසෝරි ලමයින්ට පැය එකහමාරක් දේශන පවත්වා ලෝක වාර්තාවක් පිහිටවූයේ මෑතකදී ය… 2500 ට කවන්න ගිහින් අනාගත්තා මදිවට විනාඩි 10 ක අවධානයක් තියාගන්න බැරි කිරිසප්පයින්ට පැය එකහමාරක්ම දේශනයක් දුන්නේ එතුමාගේ පරිණත බව මොනවාට කියා පාමිනි.

අල්ලපු ගෙදර අමුණුගම මහත්තයා මතට තිත තියන ගමන්ම කසිප්පු නීතිගත කරන්න යෝජනා කළේද එතුමාගේ දූරදර්ශී බව මොනවාට කියා පාමිනි. අපරාදේ කියන්න බෑ ඒක නොකළත් කෙරෙනවාය. මෑතකදී ගෙන්නපු එතනෝල් තොග තවමත් ගුදම් වල ඇති බව නිකං මගේ මෝඩ හිතට සිතේ. ඒවා කසිප්පු කිරීම බොහෝ ලේසි වැඩකි….

ඛණිජ තෙල් ඇමතිවරු දෙතුන් දෙනෙක් හිටියත් ස්බ්ස්ටෑන්ඩර්ඩ් පැට්‍රෝල් තවමත් රට තුළට එනවාය… සෞඛ්‍ය ඇමති මොනවා කළත් සිගරැට් කාරයෝ දිනුවෝය… එතුමාටත් සම්මානයක් ලැබුණෝය… රටේ හාල් අතිරික්තයක් වුනත් තවමත් හාල්මිල අඩු නැත… අහ්.. ලංකාවේ ලොකුම හාල්මෝල් හිමියා අර ඉස්සෙල්ලා කියූ ඇමතිතුමාගෙ සහෝදරයා නොවැ….

ක්‍රිකට් පාලක මණ්ඩලය බිලියන ගණනක් ණය වුනත් ක්‍රීඩා ඇමතිට අවුලක් නැත… එතුමා ඒකට වගකිව යුතු නැත… මිහින් ලංකා පාඩු වුනාට අපට වගක් නැත… ඒක අපේ නොවේ නෙ…

ඉතිං මේ අපේ ඇමති මණ්ඩලයේ කාර්යක්‍ෂමතාවෙන් අංශු මාත්‍රයක් පමණයි… ජනාධිපතිතුමා කෝකටත් ඔය කතාව ලියපු එක්කෙනාගේ කණින් අල්ලා මොළය පොඩ්ඩක් තිබෙනවාදැයි හෙව්වොත් හොඳය….

නැත්තං චෝගම් සෝලිය කාලෙ නෝන්ඩි වෙන්නේ ඔබ තුමා මය..

ප.ලි. මුතුහෙට්ටිගම මැතිතුමාට අධ්‍යාපන ඇමතිකම දුන්නා නං හොඳය…. එතුමා තරං සුදුස්දෙක් ඒ සඳහා හොයා ගන්න බැරිය…

ඊ. ප. ලි. හෙට උදේට මමත් ඇස්චරියේ සේලය දිගේ කටුනායක යන්න හිතාගෙන ඉන්නවාය… හැබැයි කවුරු මොනවා කිවුවත් වැඩේ සොලිඩ් ය… අන්න එහෙමයි පාරවල් හදන්න ඕන… පාරවල් හැදිල්ල අතින් නං ඔබතුමා කාර්යක්‍ෂමය…

ඒකටත් ප.ලි. කාර්යක්‍ෂම ආයතනයකට හැට හුටහමාරක් මැනේජර්වරු අවශ්‍ය නැති බව මම ඉගෙන ගන්නා මැනේජ්මන්ට් එකේ කියා දී ඇත….

Follow

Get every new post delivered to your Inbox.

Join 328 other followers