2011 අප්‍රේල් 14 : මෙන්න මෙහෙමයි අපි අළුත් අවුරුද්ද සැමරුවේ……


ලංකාවෙ අය අවුරුද්ද සමරනවිට අපි හොඳටම නිදි… ඊයෙ රෑ ගෙදර අස්-පස් කරලා තුන්දෙනාම හොඳටම මහන්සි පිට නිදාගත්තා… උදේම ඇල්කෙමිච්චි නැගිටලා තාත්තවයි පුතාවයි ඇහැ ඇරෙව්වා… ඇල්කෙමිච්චි නා-කියා ගන්නකල් මම කළේ කැකුළු හාල් ටිකක් සෝදලා ලිපේ තියන එකයි… ඊට පස්සේ මමත් දෙයියනේ කියලා පිරිසිදු වෙන්න ගියා… අවුරුද්ද දවසෙවත් ගඳ ගහන්නෙ නැතිව ඉන්න එපායෑ….

අවුරුද්දට ගෙනාපු අළුත් ඇඳුමකුත් ඇඳගෙන එනකොට කෑම මේසය හරියාගෙන එනවා… මේසෙ උඩ තිබුණ කිරිබත් පිඟාන කිරිබත් හැඩේට කපලා පිළිවෙලකට හදන අතරේ ඇල්කෙමිච්චි පැටියව ලෑස්ති කළා.
පහන් පත්තු කරලා බුදු හාමුදුරුවන්ට කිරිබත් කැවිලි පූජා කරලා තුන්දෙනා එක්ක මේසයට වාඩි වෙලා ආහාර වැළඳීම කළා… පැටියට එයාගේ ආසම දේ වන සෙල්ලම් කාර් එකක් තෑගි දුන්නේ අම්මා… ඒක එසේ මෙසේ එකක් නෙවෙයි 2010 Ford Mustang GT එකක්… පස්සේ පින්තූර දාන්නම්… තවම ඒවා කැමරාවේ… ඊට පස්සේ අපි දෙන්නාගෙම ගෙවල් වලට කතා කරලා අවුරුද්දට සුබ පැතුවා…..

නැකතට වැඩ අල්ලන එක නැකතක් බලාගෙන නොකළත්, පැටියයි අම්මයි නම් පොත් දෙකක් කියෙවුවා.. මමත් අළුතෙන් රසායන විද්‍යා සඟරාවකට ලියන්න බලාපොරොත්තු වන අපේ පර්යේෂණ ලිපියක් ලියන්න පේලියක් ආරම්භ කළා…

අද දවසේ වැඩ ගොඩක් රසායනාගාරයෙත් කරගත්තා… ප්‍රතික්‍රියා තුනක්ම කළා… දවාලේ පැයක් වොලිබෝල් ගහන්නත් ගියා… ඒකට නේ වොලිබෝල් කියන්නේ… අද හිටියේ ඔක්කොම වොලිබෝල් පුළුවන් අය…. හයේ හතරේ උස අය වගේම දෙකේ දෙකේ කොට එක්කෙනෙකුත් හිටයා.. දන්නවනේ කවුද කියලා….එක කණ්ඩායමක හිටියේ පස් දෙනයි. ඒ වුනාට බෝලයක් බිම වැටෙන්න විනාඩි පහක් විතර යනවා… එක්කෙනෙකුට එක්කෙනෙක් දෙවනි නෑ… කොහොම හරි ලකුණු 15 තරඟ දෙකක් යන්න පැයක් ගත වුනා… හොඳට දාඩිය දාගත්තා.. ආයෙම හවස ඇවිත් තවත් වැඩ ගොඩක් කරගත්තා…. ඒ වගේම තවත් ස්ඵටික ව්‍යුහයකුත් ලබා ගත්තා…. ඉතින් අළුත් අවුරුද්දේ පළමු දවස සාර්ථකයි.

ලොක්කත් අද ආවෙ නෑ.. එයාටත් දහසක් වැඩ… දැන් මේ ගෙදර යන්න ලෑස්ති වෙලා තමයි දිනපොත ලියන්නේ.. ඇල්කෙමියාගේ රසායනාගාරයටත් අළුතෙන් ලිපියක් ලියලයි තියෙන්නේ… නමුත් මේ දවස්වල මගේ පාඨක ජනතාව අවුරුදු සමරන නිසා ඒක දැම්මේ නෑ… කට්ටියට බලන්න අතපසු වෙන නිසා….

ඉරිදා දිහාට ඒක දාන්නම්… රසායනාගාරෙට අළුතින් ඇඳුමක් අන්දවන්නත් සූදානමක් තියෙනවා.. පුළුවන් වුනොත් ඒකත් කරන්න ඕන…. දැන් ඉතින් ගෙදර යන්න ඕන… පස්සේ හමුවෙමු…

ඒක නෙවෙයි… ඔයගොල්ලන්ගේ අවුරුදු කොහොමද ?

Advertisements

Posted on අප්‍රේල් 14, 2011, in ඇල්කෙමියාගේ දිනපොත and tagged . Bookmark the permalink. ප්‍රතිචාර 4.

  1. මම මේ බ්ලොග් එකට අද තමයි ඉස්සෙල්ලාම අවේ. එහෙම කිව්වාට මීට කලින් එක පාරක් අවා.හෑබයි එදා මොකුත් කියෙව්වේ නෑහෑ.
    හෑබයි අද නම් ඔක්කොම පෝස්ට් ටික බෑලුවා.

    ඔබ ඉන්නේ Texas වලද?

  2. අපි මේ දුර බැහැර රට රාජ්ජ වල තට්ට තනියම ඉන්න අය වෙච්චි. අපිට නම් අවුරුදුය කියාල විශේෂයක් තිබ්බෙ නැහැ. වෙනදා වගේම සාමාන්‍ය දවසක්.

    ඇල්කෙමියාටද, ඇල්කෙමිච්චිටද, පැටියාටද නව වසර සුබම සුබ වේවායයි පතමි!!!

  3. අපි නම් අවුරුද්දට ෆුල් බිසි අප්ප. චූටිමැණිකෙට අවුරුදු නිවාඩු නෑ, එයාල ඉතිං අත්‍යාවශ්‍ය සේවානෙ. පොඩ්ඩයි මායි තනියම මොන අවුරුදුද.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: