2011 අප්‍රේල් 28 : මහ වැස්සක පෙර නිමිති පෙනෙනවා,…. පාරට බැස්සම ඔලුව තෙමෙනවා…


ඊයෙ සහ අද අමෙරිකාවෙ නැගෙනහිර පලාතට ලොකු කුණාටුවක් හමාගෙන යනවා… මගේ හිතවතෙක් වන සමීර මල්ලි ඉන්න මිසිසිපි ප්‍රාන්තයේ සෑහෙන කොටසකට ඊයෙ ඉඳන්ම විදුලි බලයවත් තිබුණෙ නැහැයිලු.. ඇමරිකාවෙත් මෙහෙම වෙනව කිය කිය උන් කෑගහනව… මිසිසිපි ඇලබාමා ප්‍රාන්ත වල දැඩි වාසුලි තත්ත්‍වයක් හටගෙන පලාත් කිහිපයකටම හානි වෙලා තිබුණා.. කත්‍රිනා සුලි සුළඟින් පසු වැඩිම ප්‍රමාණයක් අවතැන්ව රතු කුරුස කූඩාරම්වල ගතකලේ මේ අවස්ථාවෙ කියලයි CNN වාර්තා කළේ… මිනිසුන් 200 ක් ඒ වනවිටත් මියගිහින්, ගණන තව වැඩි වේවි කියලයි ඒ අය කිව්වේ..ඒ කුණාටුව අදයි අපේ පැත්තට ආවෙ… වැඩි හානියක් නැති වුනත් දැඩි වැස්සක් ලැබුණා අපේ පලාතටත්. උදේම තවන් දාපු පැල, ඇට අඩංගු පෝච්චි ටික ගෙට ගත්තා.. වැරදිලාවත් කුණාටුව ලොකු වෙලා පෝච්චි වලට හානි වුනොත් කරදරේ අපටමයි…
හිතූ තරම් නපුරු නොවුනත් කුණාටුව අපව පසු කරගෙන ගියා.. අරුණි අක්කගේ ගෙදර යහතින් ඇති කියලා හිතනවා… අළුතෙන් පෝස්ට් එකක් දාලා තියෙන්නේ කරදරයක් නැතිව ඉන්න නිසානේ… අදත් ලොක්කා පාසල් වල වැඩසටහනකට ගිහින්…. උදේ වරුවේ සුපුරුදු පරිදි වැඩ කරලා දවල් ගියා වොලිබෝල් ගහන්න… පැය බාගයක් වොලිබෝල් ගහලා පැය බාගයක් ව්‍යායාම කරලා එනකොට වැස්ස… එතැන ඉඳලා රසායනාගාරයට යනකල් දිවුවා.. පොඩ්ඩක් තෙමි තෙමි…
මෙහේ අයට නම් වැස්සට තෙමෙන එක එච්චර ගානක් නෑ… ලංකාවෙ තමයි කුඩ ඉහලන් යන්නේ… පොඩි කාලෙ නම් අපිත් වැස්සට තෙමෙන්න හරිම ආසයි… ඉස්සර වැස්ස වෙලාවට අපිව ගෙට ගන්න අම්මා කෑගහලා ඉවරයක් නෑ.. අපේ පැටියගේ වැඩෙත් වැස්ස වෙලාවට කුඩයක් ඉහලන් එළියට වෙලා ඉන්න එක තමයි..

දැන් එන්න එන්න කාලගුණ රටා වෙනස් වෙන බවයි මට නම් හැඟෙන්නේ… තෙල් සමාගම්වල සල්ලි වලට යටවුන විද්‍යාඥයො අරෙන්න, අනිත් හැමෝගෙම මතය වැඩිවන කාබන් ඩයොක්සයිඩ් ප්‍රමාණය හරිතාගාර ආචරණයත්, මිහිතලය උණුසුම් වීමත් ඉක්මන් කරනව කියලයි… මේ නිසාම වැඩිපුර වලාකුළු ඇති වෙනවා. හැම තැනටම වැස්ස ඇති වෙනවා… මේ නිසා සමහර පලාත්වල ගංවතුර වැනි තත්ත්‍ව බහුලයි.. ඒ වගේම සමහර පලාත්වලට වාසිදායකයි.. ඔවුන්ගේ අස්වැන්න වැඩි වෙනවා. නමුත් ඉස්සර කරපු සාම්ප්‍රදායික ගොවිතැනට අළුත් කාලගුණ රටාව අහිතකරයි.. මේ නිසා මගේ නම් හැඟීම අපි අළුත් ගොවිතැන් රටාවලට හුරු වෙන්න කාලය ඇවිත් කියන එකයි… පසුගිය දවසක තාත්තට කතා කරද්දි තාත්තා කිව්වෙත් වෙනදා වැසි වැටෙන්නේ නැති කාලවල් වල දැන් වැසි වැටෙන බවයි.. මේ නිසා වෙනදා කළ ගොවිතැන් දැන් කිරීමට අපහසු බවයි… එක්කෝ අපි වෙනත් වගා වලට හුරු වෙන්න හෝ වගා කරන විධි වෙනස් කරන්න වෙනවා.. නැත්නම් අමාරුවේ වැටෙන්නයි වෙන්නේ… කියන්න ලේසි වුනත් මෙය කරන්න අමාරු නැහැ.. නමුත් හිතුවොත් කරන්න බැරි වෙන්නෙත් නැහැ….

හෙට වැඩ ගොඩයි.. හවස් වරුවේ අළුත් ශිෂ්‍යයෙක්ව පුහුණු කරන්න තියෙනවා. ඊට පස්සේ Group Meeting ඒක ඉවර වෙලා අපේ Group එකම ලොක්කා ගානේ රෑ කෑමකට යනවා.. ඊටත් පස්සේ අපි බෝලිං යන්නයි හිතාන ඉන්නේ… මේ නිසා සමහරවිට දිනපොත ලියන්නට වෙලාවක් එන එකක් නැහැ… කෙළින් ඉන්න පණ තිබුණොත් සෙනසුරාදට දිනපොත ලියන්නම්…

වැස්සට තෙමෙන්නේ නැතිව ඉන්න…

Advertisements

Posted on අප්‍රේල් 28, 2011, in ඇල්කෙමියාගේ දිනපොත and tagged , , . Bookmark the permalink. ප්‍රතිචාර 5.

  1. අද නෙව ඇල්කෙමියගෙ වගා සංග්‍රාමය දැක්කෙ. අර දකුණු පැත්තට වෙන්න තියෙන්නෙ සූස්ති පැලයක් නේද ඈ… 😉

    • මේ තියෙන්නේ ගිය අවුරුද්දට ඉස්සෙල්ලා අවුරුද්දේ වගා සංග්‍රාමය… මේ අවුරුද්දේ එක දින් පටන් ගත්තා විතරයි… තව මාස දෙක තුනකින් දාන්නම් පින්තූර..
      ඒ තායෙන්නේ දාස්පෙතියා මල් ගහක්…. ඇල්කෙමිච්චි මල් හිටවනවා මම එළවලු හිටවනවා….
      අපි එහෙමයි බෙදා හදාගෙන ජීවත් වෙන්නේ…

  2. ආ…නිවුස් වලට කීව්වා තමා ඔය පැත්තට කුණාටුවක් කියල.ඔයා මල් පෝච්චි වලට දාන්නෙ කාබනික පොහොරද අකාබනික ඒවද?

    • මල් පෝච්චි වලට දාන්නෙ නම් අකාබනික පෝර.. ඒ වගේම පස් සල්ලි දීලා ගන්න නිසා ඒවා පෝරත් එක්කයි එන්නේ…. නමුත් කෘමිඋවදුරට නම් සබන්- අළු වගේ ස්වභාවික දේවල් තමයි භාවිතා කරන්නේ…

      අපට ආපු කුණාටුව ටිකක් සමනය වෙලා ආවේ… ඒ නිසා වැඩිය හානියක් නෑ… ඇත්තෙන්ම හානියක් ඇත්නෙම නෑ මේ පැත්තට

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: