2011 මැයි 02 : අර මැරිච්ච ගෑණිගෙ මානව හිමිකම් වලට මොකද වෙන්නෙ දැං ?


අද උදේ ඇහැ ඇරුණෙ ඊයෙ රෑ ආරංචි වෙච්චි සිද්ධියේ මතකයත් එක්ක…. ඔසාමා ඉවර කරපු ඔබාමාගේ කතාවෙන් තේරුණේ ඇමරිකාව හරිම සාන්ත දාන්ත තීන්ත කූඩුවක් කියලා… ඔසාමා මරන්න මාස හයක් සැලසුම් කරපු ඇමරිකානු රහස් ඔත්තුසේවය සහ එයට සම්බන්ධ නිලධාරීන්ගේ රහස් සැලසුම් සහ ඒවා පිටතට යා නොදී රැක ගැනීම වෙනත් රටවලට ආදර්ශයක්.. කිසිම වෙලාවක ඒ ඒ මෙහෙයුම් වලට අදාල නිලධාරීන්ගේ නම් ප්‍රසිද්ධ නොකිරීම, ඇතුලත ගිණි පිටතට නොදීම වැනි දේ අපේ ඇත්තනි ඉගෙනගත යුතුයි.. සිදු වූ දේ මොනවා වුනත් ඒවා ඒ අයුරින්ම රහස් ලෙස රැක ගැනීම යුධ උපාය මාර්ග වල කොටසක් වුනත් අපේ රටේ නම් සමහරු යුද්ධෙ ඉවර වෙලා ගෙදර ආපු ගමන් වටේ පිටෙ පමණක් නොවෙයි පිට රටවල කට්ටියට පවා මහා සද්දෙන් වෙච්චි දේවල් කිවුවේ මං පොර වෙන්න හිතාගෙන…
ඒ වගේමයි, ඔබාම කිව්වේ සාමාන්‍ය මිනිස්සුන්ට අනතුරු අවම කරලා මේක කළා කියලා… ඇත්ත වෙන්න පුළුවනි.. නමුත් මේ මොහෙයුමට පෙර ගම් පිටින් ඩ්‍රෝන් දමා වනසනකොට මියෑදුනේ බල්ලො බලල්ලු හරක් වෙන්න ඇති… ඒ මියගිය මිනිස්සුන්ට හිලරි නෝනා කළේ ශෝකය ප්‍රකාශ කිරීමක් විතරයි නේ… හැබැයි ඇත්තෙන්ම අවසාන අවස්ථාවෙ අර මිනිස් පළිහක් විදියට භාවිතා කරපු ගැහැණියටත් ඇමරිකානු හමුදාව වෙඩි තියලා.. සමහර චිත්‍රපටිවල නං පෙන්නන්නේ ඒ වගේ අය බේරලා හතුරාට වෙඩි තියන එකයි… නමුත් මේ මියගිය ගැහැණියගේ මානව හිමිකම් ගැන කවුද දැන් කතා කරන්න ඉදිරිපත් වෙන්නේ ? සෑම යුද්ධයකදීම සාමාන්‍ය මිනිසුන්ට හානි සිදු වෙනවා.. ලංකාවෙ යුද්ධයේ දීත් ඒක එහෙමයි… අපේ හමුදාව ඒ හානි අවම කරගන්න තමන්ව බිල්ලට දුන් අවස්ථා පවා තියෙනවා කියලා අහන්නට ලැබෙනවා… ඒකත් ඇත්ත වෙන්න පුළුවනි.. අපේ මිනිසුන්ගේ මානසිකත්‍වය අනුව සමහර වෙලාවට තමන්ගේ ජීවිතය ගැන බලන්නේ නැතිව අනුන් බේරගන්න ඉදිරිපත් වෙනවා… නමුත් හැම යුද්ධයකදීම මාධ්‍ය විශාල මෙහෙයක් කරනවා… ඒ අනුව බලනකොට ඇමරිකානු මාධ්‍ය කිනම් දේශපාලනය අදහසක් දැරුවත්, සිය රට පළමු ස්ථානයේ තබා වැඩ කරනු දකින්නට පුළුවනි… මේවත් අපේ අය ආදර්ශෙට ගන්නවා නම් හොඳයි…

ඔන්න ඔහොමයි ඒ සිද්ධිය ගැන මට හිතෙන්නේ… හැබැයි ඉතිං මගේ මේ අදහස් වලට කැමති නැති අය ගොඩක් ඉන්නවා… මොනව කරන්නද ? හැමෝටම එක වගේ හිතන්න බෑ නෙවැ…

අද දවසේ රසානාගාරයේ නම් වැඩිය වැඩක් කෙරුණේ නැති ගානයි… උදෙන්ම ලොක්කා ව්‍යාපෘති වාර්තාවක් ගෙනත් දුන්නා හරි වැරදි බලන්න කියලා… වැරදි ටිකක් පෙන්නලා දීලා නැවත වැඩ කරන්න ගන්නකොට තවත් ළමයෙක් ඇවිත් එයාගේ වැඩට උදවු වෙන්න වුනා… හවස නම් වැඩ ටිකක් කෙරුණත් මේ සිකුරාදා තියෙන Group meeting එකට ඉදිරිපත් කරන්න තියෙන කරුණු ටික එකතු කරගත්තා…. ඒ වගේම අළුත් විශලේෂණ ක්‍රමයක් ඉගෙන ගන්න වෙනත් රසායනාගාරයකටත් යන්නට සිදු වුනා… ඒ සියල්ල නිම වෙනකොට ඇල්කෙමිච්චියි පැටියයි මාව එක්කරගෙන යන්න ඇවිත්… අද පැටියගේ අළුත් පාසලේ ලියාපදිංචි වෙන දවස… මීට පෙර දවසක නම දීලා ආවා… අද අදාල ලිය කියවිලි රැගෙන එන්න කිවුවා… පරීක්‍ෂා කළේ උප්පැන්න සහතිකයයි ස්ථිර පදිංචියයි ප්‍රතිශක්තිකරණ වාර්තාවයි විතරයි… පෝලිම් නෑ.. පගා නෑ… මන්ත්‍රී ලිස්ට් නෑ… මොකවත් නෑ…

මේක අළුත් පාසැලක්… මේ පාසලේ ඉගැන්වෙන්නේ 50: 50 ඉංග්‍රීසි සහ ස්පාඥ්ඥ භාෂාවෙන්… දැන් දැන් ස්පාඥ්ඥ භාෂාවෙන් කතා කරන අය වැඩි වෙන නිසා සහ තවත් භාෂාවක් ඉගෙන ගැනීම මොළය වර්ධනයටත් හේතු වන නිසා පැටියව ඒ පාසලට දාන්න අපි තීරණය කළා.. ඒ විතරක් නෙවෙයි ඒ පාසල Charter School කියන වෙනම විදියේ පාලනාධිකාරයකින් පාලනය වන පාසලක්.. මෙහි වෙනත් පාසල් වගේ නොවෙයි, නිල ඇඳුම් දැඩි නීති රීති සහ සියළුම සිසුන්ට වෙන වෙනම වූ තරඟකාරී අධ්‍යාපන රටාවක් තිබෙන පාසැලක්. දැන් දැන් මේ රටේ වැඩිපුර Charter Schools ඇති කෙරෙනවා….මෙහිදී දක්‍ෂ ළමුන්ට අභියෝග (Challenges) වැඩියෙන් ලැබෙන අතර, දුර්වල සිසුන් ද වසර අවසානයේ උසස් මට්ටමකට රැගෙන ඒමට විවිධ අභියෝග ලබා දීම සිදු වෙනවා.. මේ නිසා දක්‍ෂ සිසුන් කම්මැලි වීම සිදු වන්නේ නැහැ.. ඒ වගේමයි ගුරුවරුන් නිතරම විවිධ විභාග මගින් පරීක්‍ෂණවලට භාජනය කෙරෙනවා.. මේ නිසා ගුරුවරුන්ගේ දැනුම, ඉගැන්වීම් ක්‍රම ආදිය නිරන්තරයෙන් උසස් තත්ත්‍වයකට ගෙන එනවා… මේ කරුණු නිසා අපි පැටියව ඒ වගේ පාසලකට ඇතුලත් කළා… පන්ති පටන් ගන්නේ අගෝස්තු 31 වනදා…

තව පොඩ්ඩෙන් අද දිනපොත ලියන්නත් අමතක වෙනවා… අළුත් දවසක් එක්ක හෙට හමුවෙමු

Advertisements

About Alchemiya

ආචාර්ය පියල් ආරියනන්ද, ජීව අකාබනික රසායන විද්‍යාව අංශයෙන් ඇමරිකාවේ ඩෙලවෙයා විශ්ව විද්‍යාලයෙන් ආචාර්ය උපාධිය ලබා වසර කිහිපයක් එහිම විද්‍යා පර්යේෂකයෙකු ලෙස සේවය කර, ජර්මනියේ BASF රසායන ආයතනයෙහි රසායනික උත්ප්‍රේරක සම්බන්ධයෙන් පර්යේෂණ කළ විද්‍යාඥයෙකි. හරිතාගාර ආචරණයට ප්‍රධාන දායකත්‍වයක් දක්වන කාබන් ඩයොක්සයිඩ් වායුව රසායනික සංයෝගවලට පරිවර්තනය කළහැකි රසායනික පර්යේෂණවලට ඉතා ඉහළ දායකත්‍වයක් දී ඇත. ලංකාවට පැමිණි පසු මයිඩාස් සේෆ්ටි ආයතනයෙහි පර්යේෂණ ප්‍රධානී වශයෙන් ද කටයුතු කර, දැනට MAS Holdings අනුබද්ධ Bodyline ආයතනයෙහි නවෝත්පාදන ප්‍රධානී වශයෙන් කටයුතු කරයි. රැකියාවට අමතරව ඔහු විද්‍යාත්මක Blog අඩවියක් ද, රිවිර -රිවිනෙත කලාපයට සතිපතා ලිපි පළකරන විද්‍යා ලේඛකයෙකි. මෙයට අමතරව ඔහු නවෝත්පාදන සහ නිර්මාණශීලීත්‍වය පිළිබඳව දේශන සහ වැඩමුළු ද පවත්වයි. Dr. Piyal Ariyananda was schooled at Mahinda College, Galle and obtained his first degree at the Institute of Chemistry, Ceylon. He excelled the studies being the Batch top in the First year and overall Batch second in the final year exams. After two years of work as a chemist at the Unilever Sri Lanka, Dr. Piyal received a scholarship to pursue his Masters Degree at the university of Louisiana, Monroe where he became the most outstanding Graduate student of the Department of Chemistry in 2003 at his graduation. Dr. Piyal did his Ph.D at University of Delaware, with another scholarship to study his Ph.D in Chemistry, where he studied the conversion of Carbon Dioxide to useful chemical compounds. After graduation with a Ph.D he continued the research at the same university in Energy generation through Carbon Dioxide conversion for two years. Dr. Piyal was offered a scientist position at the Catalytic Research Lab at BASF – Germany and prior to return to Sri Lanka, He worked on converting Carbon Dioxide to Superabsorbant materials, which are used in Diapers if simply explained. Prior to the current assignment, Dr. Piyal headed the R&D team at Midas Safety, a safety and sports glove manufacturing organization located in the Export processing zones in Sri Lanka. His team introduced several new products and technologies into the glove industry, which includes a recent international patent on a new method of making a special type of a coating. His team won the most outstanding innovation team Gold award, in the 2015 National Chamber of Exporters’ award Ceremony. Dr. Piyal is currently heading the Bodyline Innovation team in General Manager capacity. Bodyline is one of the largest business units in MAS holdings with over 15000 employees. He uses the latest innovation methods in the world to innovate the products, and new business models to cater the latest trends in apparel market. Apart from his professional work, He is a science communicator and he writes a special article in Sunday Rivira – Rivinetha, and a science fiction to the same paper. He is also a trainer of Science teachers working with the department of education, and the secretary of the Royal Society of Chemistry, Sri Lanka Section.

Posted on මැයි 2, 2011, in ඇල්කෙමියාගේ දිනපොත. Bookmark the permalink. එක් ප්‍රතිචාරයක්.

  1. ඇමරිකාවෙ උන් රටට දෝහිවුනා කියල උන්ට කවුරුත් ඩොලර් එවන්නෙ නෑ නෙ බන්… අපේ උන්ට එහෙමද?… රහස් එලි කරන තරමටනෙ ඩොලර්… ඉතිං ‍යුධ රහස් නෙමෙයි වෙන රහස් වුනත් වමාරන්නෙ ගිරවු වගේ….

    කැමතියි

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: