2011 මැයි 22: ළදරුවන්ට ඇත්තටම ඝණ ආහාර දිරවනවාද ?


අද ඉරිදා ක්‍රිකට් ගහන දවසනේ… උදේ පාන්දරම නැගිටලා ඔක්කෝම එක්ක පෙන්සිල්වේනියා වල යාළුවෙක්ගේ ගෙදරට මුලින් ගියා. ඇල්කෙමිච්චියි පැටියයි යාළුවගේ ගෙදර දාලා යාළුවත් එක්කලා මම ගියා පිට්ටනියට. ඇල්කෙමිච්චියි පැටියයි යාළුවගේ බිරිඳයි පැටියයි එක්කලා කාලය ගත කළා. අපි ගහපු මැච් එක අදනම් පරාදයි. හේතු ගොඩයි… (නිදහසට කාරණා වගේම) එකක් තමයි තණතිල්ල මතින් පන්දුව ඉල්පීමක් (bounce) නැතිකම නිසා අනෙක් කණ්ඩායමේ පිතිකරුවන් ලකුණු 136 කට දැවී යාම… අපි මුලින් හිතුවත් අපට ඒ ලකුණු ගණන ලබා ගතහැකියි කියා, ඒක ඒ තරම් පහසු නොවන බව වැටහී ගියේ අපේ කඩුළු දෙකක් ලකුණු 2 ක් තුළ දැවී යාම නිසා.. 4 වෙනි පිගිකරු ලෙස මා ක්‍රීඩා පිටියට ගොස් පන්දු 15 ක් පමණ ක්‍රීඩා කළත් ලබා ගත හැකි වූයේ ලකුණු 3 ක් පමණයි. පා ඉන්න දෙසින් ආ පන්දුවක් පිත්තේ වැදී උඩ ගිය පන්දුවක් එතැනට තරමක ඈත සිටි පන්දු රකින්නෙක් උඩපන්දුවක් ලෙසින් මනරම් ආකාරයට බිම වැටී පෙරළි ඇඹරී අල්ලා ගැනීම හේතුවෙන් මගේ ඉනිම ලකුණු 3 කට සීමා වුනා..

මේ අතර ඇල්කෙමිච්චි ඇගේ මිතුරිය සමග කල සංවාදයක සාරාංශයක් ආපසු එන ගමනේදී මා හට පැවසුවා.. එනම් ඇගේ දරුවාගේ වෛද්‍ය වරයා දුන් උපදෙසක්. ඒ තමයි කුඩා දරුවන්ට වසරක් සම්පූර්ණ වනතුරු මවු කිරි සහ යකඩ සපිරුණ කිරිවර්ග වැඩියෙන් දීමේ වාසිය. කුඩා දරුවන්ට පළමු වසරේදී වැඩීමට අවශ්‍ය පෝෂණය ඇත්තෙන්ම ලබා දෙන්නේ කිරි වලින් පමණයි. වෙනත් වෙනත් ඝණ ආහාර ද්‍රව්‍ය මාස හතරේ සිට ලබා දුන්නත්, ඒවායින් ඇත්තටම කෙරෙන්නේ පසු කාලීනව ලබා දෙන ඝණ ආහාරවලට ආහාර මාර්ග පද්ධතිය පුහුණු කිරීම පමණක් ලු. එයින් වැඩි පෝෂණයක් දරුවාට නොලැබෙන බවත්, හැකි පමණ මවු කිරි සහ වෙනත් කිරි දරුවාට ලබා දෙන ලෙසත් වෛද්‍ය වරයා පැවසූ බවයි ඈ මා හට පැවසුවේ. සමහර සරළ දේවල් අපට තේරෙන්නෙ නැති වුනත් ඇත්තක් තියෙනවා…..

මේ ලිපිය ලියනකොට හොඳටම රෑ වෙලා. වැඩි විස්තර මෙතැනින් බලාගන්න…

සෙස්ස පස්සට….

Advertisements

Posted on මැයි 22, 2011, in ඇල්කෙමියාගේ දිනපොත. Bookmark the permalink. එක් ප්‍රතිචාරයක්.

  1. ඒකත් එහෙමෙයි, ඇයි හද්දෙයියෙනේ මෙහේ කියන්නෙ මාස හයෙන් ඝන ආහාර දෙන්නෙයි කියලනෙව. අපේ උන්දැට WHO එකෙන්ද Unisef එකෙන්ද කොහේද දීපු ලීෆ්ලට් වහයකත් එහෙම තිබුන නෙව. අම්මප ඒක ජාත්‍යන්තර කුමන්ත්‍රණයක්ද දන්නෙ නෑ….

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: