2011 සැප්තැම්බර් 06 : කඩුවට වඩා පෑන බලවත්ය; පෑනට වඩා නැන්දම්මා බලවත්ය…..


පහුගිය දවසක ඇල්කෙමියගේ දිනපොතේ ආසනික් ගැන ලියැවුන ලිපිය චානුකගේ පිහිටෙන් රාවය පත්තරේ කොටස් තුනකට පළ වෙලා තිබුණා. මේක දුටු බොහෝ දෙනෙක් ඒ ගැන මෙලෝ හසරක් නොදැන හිටියත් ලිපියක් පත්තරේ ගිය එක ගැන ප්‍රශංසා කළා…. බොහෝ දෙනෙකුට ප්‍රශ්නයක් වෙලා තිබුණේ පළවුන පත්තරේ රාවය වීමයි.. බොහෝ දෙනෙක් නොදැන හිටි දෙයක් වුනේ මේ ලිපිය දිවයින පත්තරේට යැවුවත් ඒකෙ කතෘ තුමා (හෝ එතුමාගෙ කාර්යාලය) ලිපිය ලැබුණ බවට හෝ ප්‍රතික්‍ෂේප කළ බවට පිළිතුරක්වත් එවන්න තරම් වෘත්තීයමය නොවීමයි.

ඒ කෙසේ වෙතත්, අපේ ඇල්කෙම්ච්චිගෙ අම්මගෙන් නම් ලැබුණ ප්‍රතිචාරය ඒ තරම් යහපත් නෑ. ඇය කියන කතාව නම් මේවා රාවය පත්තරේ ගියාම ආණ්ඩුව පෙරලන්න කතා කරනවා වගේ කියලා සමහරක් අයට හිතෙන්න පුළුවන් ලු…ඇත්තටම රාවය එහෙමද ? මම නම් දන්නෙත් නෑ…. එක අතකට ඇය හදන්නේ අපව ආරක්‍ෂා කරන්න… කරදරේ වැටෙන්න නොදී තියාගන්න.. කොහොමත් ඉතිං මගේ කට එච්චර හොඳ නැති නිසා අම්මයි දුවයි දෙන්නම එකතු වෙලා මට බර බරේ දැම්මා නෙවැ…. ඇත්ත තමයි.. මගේ කට හින්දා තමයි කවදහරි මාව නැහෙන්නෙත්… අර මාළුවා වගේ….

මේ දවස් වල බොහොම වැඩ අධිකයි.. ලබන සඳුදා වෙනවිට මගේ පළමු පර්යේෂණ ලිපිය ලොක්කට ලියලා දෙන්න කියලා ඉහළින් අණක් ලැබුණා… දිවා රෑ නොබලා මේ එක ලියනවා… සිංහලෙන් ලිවුවා නම් මෙලහකට ලිපි 10 ක් ලියලා… ඉංගිරිසි ගලප ගලප ලියන්න ගියාමත් එපා වෙනවා… කොහෙද දන්න දෙයක් යෑ…

ඒ නිසා ඉදිරි දින කීපයේ නම් දිනපොත ලියැවෙන එකක් නැති වේවි….

ඊට පස්සේ තව මොනවා හරි කුරුටු ගාන්න බලමු…

Advertisements

Posted on සැප්තැම්බර් 6, 2011, in ඇල්කෙමියාගේ දිනපොත. Bookmark the permalink. ප්‍රතිචාර 2.

  1. හපොයි. ඇත්ත තමයි. නැන්දම්මා ගොඩක් දේවල් වලට වඩා බලවත්. හික් හික්!! පවුල් සංස්ථාවෙ නිශේද බලය තියෙන කෙනෙක් නොවැ!

    අයියාගේ රිසර්ච් වැඩේට උණුසුම් සුභපැතුම්…

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: