2012 ජනවාරි 23: ජීවිතයක් පටන් ගත්ත හැටි….. කාටවත් නොකියූ කතාවක්…..


දිනය 1973 ජනවාරි 23 දා.

ස්ථානය රජයේ රෝහල ඇල්පිටිය

වේලාව මධ්‍යහන 12 පසු වී මිනිත්තු කිහිපයක්…

ඇල්පිටිය රෝහලේ සිය පළමු දරු ප්‍රසූතිය බලාපොරොත්තුවෙන් සිටි 26 හැවිරිදි තරුණ මවක් සූතිකාගාරය තුළට ලහි ලහියේ ඇතුළු කෙරුණා… මව ප්‍රමාණයෙන් කුඩා වීමත් රෝහලේ පහසුකම් මඳ වීමත් නිසාදෝ දරුවා ලැබෙද්දී මව ඉතා අසාධ්‍ය තත්ත්‍වයකයි පසු වුනේ.. මවට ඉතාමත් අසාධ්‍ය වූ නිසාම වහාම මව පමණක් කළුතර නාගොඩ රෝහල වෙත රැගෙන ගියත්, දරුවා දෙස බලන්නට කිසිවෙකු සිටියේ නැහැ. සිටියේ ඇල්පිටිය ආනන්ද මධ්‍ය මහා විද්‍යලයේ එවකට උසස් පෙළ හදාරමින් සිටි දරුවාගේ පුංචි අම්මා පමණයි. දරුවාගේ පියාත්, තවත් කිහිප දෙනෙකුත් කළුතර නාගොඩ රෝහලට ගියේ මවට අවශ්‍ය රුධිරය ලබා දීමට… නමුත් ඔවුනට දැනගන්නට ලැබුණේ ඇය ඉතාම අසාධ්‍ය තත්ත්‍වයේ කළුබෝවිල රෝහලට රැගෙන ගිය බවයි…

මේ අතර ඇල්පිටිය රෝහලේ තනිව සිටි මේ දරුවා නිවසට රැගෙන ගියේ අර දරුවාගේ පුංචි අම්මායි… තවමත් සෝදා පිරිසිදු වත් නොකළ මේ දරුවා පුංචි අම්මලා තිදෙනෙකුගේ රැකවරණය යටතට පත් වුනා… ගෙදර එළදෙනගෙන් දොවාගත් කිරි පාං තිරයකින් මේ දරුවාට පොවමින් මේ පුංචි අම්මලා තිදෙනාත් ආච්චීත් දරුවා බලා ගත්තත් ඔවුන්ගේ සිතේ තිබුණේ දරුවා ගැන හැඟීමක් නොවෙයි. ජීවිතයත් මරණයත් අතර පොරබදන තම දියණිය, තම සොහොයුරිය ජීවත් වේ දැයි යන සිතිවිල්ල… දරුවාගේ සීයාත් මාමලාත් දරුවා දෙසවත් නොබැලූවේ “අපේ කෙල්ල මරාගෙන උපන් එකා අපට වැඩක් නැත” යන හැඟීමෙන්…

දරුවාගේ මව අධික රුධිර වහනය නිසාම සිහි මුර්ඡා තත්ත්‍වයේ දින තුනක් ම පසු වෙලා තිබුණේ ඒ වනවිට… රුධිරය ලබා දුන්නත් ඒ කාළයේ තිබූ තත්ත්‍වය සහ පහසුකම් අනුව අවශ්‍ය රුධිර ප්‍රමාණය ලැබිලත් නැහැ… කෙසේ හෝ ජීවිතයත් මරණයත් අතර දින පහක් පොර බැදූ ඇය අවසානයේ ජීවිතය සොයා යළි පැමිණියා….

සියල්ලන්ටම සැනසුම් සුසුමක් හෙළුනේ එවිට ලු… දින කීපයකින් නිවසට පැමිණි ඇය පළමු වරට සිය පුතු දැක බලා ගත්තේ එදිනයි…. කොපමණ දරු මුණුබුරෝ සිටියත්, එදා පටන් ඒ පවුලේ සුරතලා වුනේ ඒ පුතු…. ඊට වඩා ලොකු පුතෙකු  ඒ මුණුබුරන් අතර සිටියත්, අර සැම දෙනාටම “ලොකු පුතා” වූයේ ඒ පුතු….. ජීවිතයේ නොයෙකුත් හැල හැප්පීම්, සමහට අනතුරුදායක අවස්ථා, ආදිය සියල්ල පසු කරමින් පැමිණි ඒ පුතුට දැන් අවුරුදු 39 ක්.. ඒ පුතු ඈ ලඟ දැන් නැති වුනත්, නිතරම ඈ ගැන සොයා බලනවා… මව තරම් ඒ දරුවාගේ පියා දුක් නොවින්දත්, අදත් ඒ දෙදෙනා ඒ පුතුගේ උපන් දිනය සිහි කර, අතීතය මතක් කරනවා. ඒක හැම අවුරුද්දකම සිදු වෙනවා…. මේ දැනුත් ඒක වුනා…

ඉතින් ඒ පුතු මේ ලෝකෙට ගෙන ආ ඒ දෙමවුපියෝ දෙදෙනා තමයි ඒ පුතුට ඉන්න ලොකුම සම්පත් දෙකක් වන්නේ…. ඒ පුතු තම උපන් දිනය සමරන්නේ තමන් ගැන මතක් කරලා නොවෙයි.. තමන් මේ ලෝකයට ගෙන ඇවිත්, මේ තාක් කල් හදා වඩා මෙසේ පොළවේ පය ගසා සිටීමට අධ්‍යාපනය, ගුරු හරුකම්, ගුණ යහපත් කම් කියා දුන් ඒ අමිල සම්පත් දෙකට නිරෝගී සුව, දීර්ඝායුෂ පතා…. ඒ දරුවා මුල සිටම හදා වඩා ගත් පුංචි අම්මලා මාමලා කාණ්ඩයට නිරෝගී සුව, දීර්ඝායුෂ පතා…. ඒ දරුවගෙ දෙමාපියන් බලා කියා ගන්න සහෝදරයාටත්, සහෝදරියටත් අපමණ ස්තුතිය, ප්‍රණාමය..

ඉතින් ඒ සියළු දෙනාට නිදුක් නිරෝගී සුව, දීර්ඝායුෂ…

මෙතෙක් කල් හෙවනැල්ලක් වගේ පස්සෙන් ආපු ඒ දරුවගෙ බිරිඳවත්, මේ ලෝකෙම එළිය කරන පැටියවත් අමතක කරන්නෙත් නැහැ…..

ඒ දරුවා ලියන දේවල බලන ඔබටත් බොහොම තුති…..

Advertisements

Posted on ජනවාරි 22, 2012, in ඇල්කෙමියාගේ දිනපොත. Bookmark the permalink. ප්‍රතිචාර 25.

  1. තනි අලියාද එ් දරුවාට සුභ උපන් දිනයක් හා සුභ නවවසරක් පතයි! 🙂 🙂 🙂 🙂

    පොඩි තෑග්ගක්! 🙂 ❤

    https://mmrcxw.blu.livefilestore.com/y1pXvz88DSyp8m_0ykRBvPjhht2xVNJjv_3n3kNqAHncRdAVcCbfBWoRkJ7Ndt59nZidK9fbJhyBkNwkLPOcMADTw/05%20numb%20piano.mp3?download&psid=1

  2. ‘කොහෙත්ම චතුර නොවූ, ආගන්තුක ඉංග්‍රීසි බසින් ව්‍යාකරණ වැරැද්ද වරද්දා මූණු පොතේ ආයාසයෙන් ලියමින් සිටි අපට පරිඝනකයෙන් සිංහලෙන් අකුරු ලියන ආකාරය කියාදී , ” කුඹුර දීපු වහජ්ජ නියරත් බැඳපිය ” යයි කියංනාවූ සිංහල ප්‍රස්තාපිරුල අර්ථවත් කරමින් , හිතේ හැටියට අත දිගහැර ලුණු ඇඹුල් ඇතුව සුද්ද සින්හලෙන් ලිවීමට “ඇල්කෙමියාගේ දිනපොත” නැමති මහා අනර්ග බ්ලොගය නිර්මාණය කරදී, එහි අප ලියංනාවූ කුණුකතා සියල්ලම මැදහත් සිතින් බලා ඉඳින්නා වූ අපේ සුමිතුරු ඇල්කෙමියාට සුභ උපන්දිනයක් වේවා !!!! ‘

  3. “ඒ පුතු තම උපන් දිනය සමරන්නේ තමන් ගැන මතක් කරලා නොවෙයි..” මෙහෙම හිතන්න හැමෝටම බෑ. ඒ ගැන මගේ සුභ පැතුම්!

  4. සිංහල බ්ලොග් අවකාශයේ රැඳෙන රසායන විද්‍යාඥයාණෙනි ඔබට සුභ උපන් දිනයක්!!!

  5. සුභ උපන්දිනයක් වේවා මචං . . . . දෙමාපිය, නෑදෑ සියල්ලන්ටත් සුභ පැතුම් මේ වගේ පුතෙක් අමාරුවෙන් හරි හදා ගත්තු එක ගැන . . .

    • කියලා වැඩක් නෑ…
      සමහර විට ටයර් එකක් බෙල්ලෙ දාගෙන ඉන්න හරි, ගඟක මූදක මාළු කොට කොට හරි එහෙමත් නැත්තං අපේ නිදහස් අධ්‍යාපනේ අපට දියවු කිය කිය ලිප්ටන් වටරවුමෙ කෑ ගහ ගහ ඉන්නත් තිබුණා….
      හොඳ වෙලාවට අතක් පයක් නොකැඩි මේ ගාණට බේරුණේ…

  6. පණ්ඩිතයෙක් උනාට බක පණ්ඩිතකං නැති, මනුස්සකම පිරිච්ච ඇල්කෙමියට සුභ උපන්දිනයක් ! 😀

  7. සුභ පැතුම් අල්කෙමියෝ….සොඳුරු මිනිසෙක් මෙලොවට දායාද කල දෙමව්පියන්ටත් පිං….!!!

  8. Thaman gana nositha thamanwa hadawadagath aya mathkarala egana sthutikaranna tharam oba nihathamani weema gana mata godaak santhosai mage yalawata. obata subaupandinyak wewa!!!!!!!!!!!!!!

  9. සුභම සුභ උපන්දිනයක් ඔබට!ඒ දරුවා ලියන දේ බලන අපිට තුති විතරද?කේක් නැද්ද? හික්ස්

  10. කාලෙක ඉදන් ඇල්කෙමි බ්ලොග් එකට එනවා,,සුභ උපන්දිනක් ඇල්කෙමි

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: