2012 ඔක්තෝබර් 07 : අන්න හරි නෝනා… අඹරලා බැරි නං වෙඩි තියලා හරි මරන්න… අතාරින්න එපා ………එහෙම තමයි ඉන්න ඕන….


ඉස්කෝලෙ යන කාලෙ කුමක් හෝ අලුගුත්තේරු වැඩක් කාට හරි කළ පසු ලොකු අයියා කෙනෙක් හෝ ප්‍රිෆෙක්ට් අයියා කෙනෙක් මෙහෙම ඇහැවුවොත්, “ඇයි මල්ලි… කැසිල්ලද ? “

 දුවන්න පුළුවන් දුරක ඉන්නවා නම් “කහනවා තමයි…. ඇයි කහන්නද ?” කියලා දුවන පුරුද්දක් අපට තිබුණේය.. ඒ අපේ කැසිල්ලටය… පොඩි වුන් වෙච්චි අපි කසනවා කියන්නේ එක් ආකාරයකට පණු අමාරුව වගේ එක තැනක ඉන්න බැරි ලෙඩකටය…. එක්කෝ අනුන්ගේ මොකක් හරි මගුලකට අත දමා එය විනාස කර දැමීම, කරමින් හිටි කාර්යය අතරමග දමා වෙනත් දේකට දිවීම වැනි දෙයකදී ත් වැඩිහිටියෝ “මූට පුදුම කැසිල්ලක්නෙ තියෙන්නේ” යනුවෙන් බැණ අඬගසති.

කැසීම විවිධාකාරය….

කැසීම විවිධාකාරය.. පොඩි එවුන් එසේ කිසිදු හේතුවක් නැතිවම කැසීම තිබුණත් ලොකු අයට කැසීම තිබුණොත් ලෙඩ ගොඩකි. නව යොවුන් වයසේ ඇතිවන කැසීම භයානකය… එයට අවනත වුවහොත් සමහර විට ජීවිතයම කස කසා ඉන්නට සිදු වේ. වැඩිහිටි පිරිමින්ට ඇති කැසීම සහ ගැහැණුන්ට ඇති කැසීම  දෙවැදෑරුම් වේ. ඒවා ගැන කතා නොකරන තරමට හොඳය… රෝගයක් ලෙස ගත් කළ දෙගොල්ලොන්ටම  ඇති කැසීම සමේ විවිධාකාර සංකූලතා ඇති වීම නිසාය… කැසීමට හේතු සිය ගණනක් සොයා ගත හැකිය. ආසන්නම හේතු ලෙස

  • වියළි සම (Eczema)
  • අසාත්මිකතා (Allergies)
  • සතුන් විදීම (Insect Bites)
  • කිණිතුල්ලන් උකුණන් වැනි කුඩා සතුන් ගමන් කිරීම, විදීම ආදිය..
  • විවිධාකාර ශාක බූවා ඇඟ තැවරීම (Plant Allergies – කහඹිලියා – Poison ivy)
  • දිලීර ආසාදන (Fungal infections)
  • දීර්ඝ කාලීන අක්මා රෝග (Chronic liver diseases)
  • හෝමෝන වෙනස් වීම් (Hormonal Changes)

හැඳින්විය හැකිය.

මේ විවිධාකාර කැසීම් සමඟ සමේ විවිධ ලක්‍ෂණ දැකිය හැක

  • සමේ රතු පැහැති පැල්ලම්
  • පලු දැමීම
  • සම පැලීම
  • තුවාල වීම

හේතුවක් දැනගෙන කැසීම තරමක් සුභ දායක අතර හේතුවක් නොමැති කැසීමක් පටන් ගත හොත් දිනක් හෝ දින දෙකක් ඇතුලත අත් බෙහෙත් වලින් පසු වෛද්‍යවරයෙකු හමුවීම යෝග්‍ය ය. කැසීම නැවැත්විය නොහැක… කසන්නට ගත් විට ඇඟ හම යනතුරු, ලේ ගලන තුරු පණ දාගෙන කසන්නට සිතේ… ඒ කැසීමේ හැටිය… කසන්නට කසන්නට සම ද ප්‍රතිචාර දක්වයි…. කළ යුතු හොඳම දේ එම චක්‍රය බිඳ දමා නොකසා සිටීමය… එය කිරීමට තරමක් අපහසුය.. එක්කෝ කැසීම පරෙස්සමින් කළ යුතුය… නැතහොත් නියපොතු වහාම කපා දමා කැසිය යුතුය… නැතිනම් වන්නේ කැසිල්ලට පසු තුවාල කර ගැනීමටය…

කැසිල්ල විද්‍යාත්මකව විස්තර කළ හැක්කේ මෙසේය..

යම් කිසි ආසාත්මිකතාවයක් හෝ වෙනයම් දෙයක් ඔබේ සම වෙත පැමිණි විට එය මුලින් ඔබට කිසිවක් නොපෙන්වයි. නමුත් ඔබ කැසීමට පටන් ගත් විට එහි වූ ස්නායු තන්තු මගින් මොළයේ මස්තිශ්ක වල්කය (cerebral cortex) වෙත පණිවුඩ යවයි එය රිදීමක් ඇති කරනවාක් වැනි පණිවුඩයක් ගෙන යයි. එය කැසීමක් ලෙස අපට දැනේ. කැසීමක් දැනුන වහාම අප කරන්නේ එතැන කැසීමයි. ඒ මොළයෙන් අපට ලබා දෙන – ආගන්තුක ද්‍රව්‍යයක් ඉවත් කිරීමේ – හැඟීම මතය. කිසියම් ආගන්තුක ද්‍රව්‍යයක් අප සම මතට වැටුන විට අප මුලින්ම කරන්නේ එය පිසදා ඉවත් කිරීමයි. මෙයද එයට සමාන වේ.

බොහෝ විට කැසීම ගෙදරදීම පාලනය කර ගත හැක.. ඒ සඳහා හේතුව අඳුනාගත යුතුය.. සම වියලීම නිසා ඇතිවන කැසීම සමට ක්‍රීම් ආලේපනයෙන් වලකා ගත හැකිය… පලු දැමීම බොහෝ දුරට ආසාත්මිකතාවයන් හා බැඳී පවතී.. ඒ සඳහා කළ යුතු හොඳම දේ ප්‍රතිහිස්ටැමීන් (Antihistamine)  ඖෂධ ලබා දීමයි (Piriton, Benadryl, Zirtec ඉන් සමහරකි). එසේ නැතහොත් පොල් වතුර හෝ තැඹීලි වතුර පානය කිරීම ද ආහාර ආසාත්මිකතාවයන් සුව කරයි. කිණිතුල්ලන්, උකුණන් වැනි කුඩා සතුන් එක්කෝ ඉවත් කර හෝ උන් නැසීමට බෙහෙත් දමා පාලනක කළ හැක.. කහඹිලියා සහ Poison Ivy වැනි ආසාත්මිකතා දෙන ශාක සඳහා විවිධාකාර බෙහෙත් ඇත. කහඹිලියා ආසාත්මිකතාවය ගෙන එන්නේ සියුම් කෙඳි (බූවා) සමේ ඇනීම නිසාය.. Poison Ivy වලින් ආසාත්මිකතාවය ගෙන එන්නේ පත්‍රයේ ඇති රසායන ද්‍රව්‍යයක් සමේ තැවරීම නිසාය.. මේ දෙකට ප්‍රතිකර්ම දෙවැදෑරුම් ය… කහඹිලියා බූවා පොල්තෙල් ගා පිහි තළයකින් සූරා ඉවත් කළ හැකි වුවත්, Poison Ivy ඉවත් කළ යුත්තේ සිසිල් ජලයෙන් සෝදා හැරීමෙනි. උණු ජලයෙන් සේදුවහොත් සමේ ඇති ශ්වේද ග්‍රන්ථි විවරයන් විවෘත වී සම තුළින් ඒ රසායන ද්‍රව්‍යයන්  ශරීර ගත විය හැකි නිසා සිසිල් ජලයෙන් සෝදා පිරිසිදු කළ යුතුය. එසේව ඒ ඉස්ම තැවරුණ ඇඳුම් ද වහා සෝදා දැමිය යුතුය. අක්මා රෝග සහ වකුගඩු රෝග ඇතුළු තරමක් දීර්ඝ කාලීන රෝගාබාධ මෙන්ම හෝමෝන වෙනස්කම් නිසා ඇතිවන සමේ කැසීම වෛද්‍ය උපදෙස් අනුව සුව කර ගත යුතුය.

ඉතින් මේ කැසිල්ල බෙහෙත් මගින් හොඳ කර ගත්තත් සමහරුන්ට ඇති කැසිල්ල නම් හොඳ වෙන්නේ හොඳ හෝටලයකින් කෑවාට පසුවය… ඒ අයට බෙහෙත් දෙන්න වෙනම දොස්තරලා සිටී…. කැසීමට සම්බන්ධ කතා දෙකකුත් මතක් වේ….

පළමු කතාව…….

දවසක් අත් දෙකම අහිමි මනුස්සයෙක් නගරයේ පාරක ඉතා මනරම් නැටුමක් නටමින් ගමන් කළා. මේ දුටු ධනාත්මක චින්තනය පිලිබඳ මහාචාර්ය වරයෙකු ඒ මනුස්සයා පැත්තකට කතා කර ගත්තා…

මහාචාර්ය තුමා : මට ඔබ ගැන හරිම සන්තෝසයි… ඔබ පුදුමාකාර විදියට ජීවිතය විඳිනවා… ඔබේ අත් දෙකම නැති වුනත් බොහොම විනෝදෙන් පාරෙ නට නටා යනවා… කියන්න ඔබ කොහොමද මේ ආකාරයට සිතන්න පුරුදු වුනේ ?

අත් අහිමි මනුස්සයා : සර් මේ බණ කතා කරනවා.. මට මේ පිට කහගන්න විදියක් නැතුව ඉන්නෙ…

දෙවැන්න……

ඉතා හොඳින් උජාරුවට කොටට සායක් ඇඳගත් තරුණියක් එක්තරා බස් රථයක අසුන්ගෙන යනවා… එතැනම මඳ පමණට සූර් වූ පුද්ගලයෙක් මේ තරුණිය දෙසත් ඉඳ හිට බැලුම් හෙළමින් එතැනම සිටගෙන සිටී… 

හදිසියේම බසයේ සිටි මැස්සෙක් මේ තරුණියගේ දෙපා අතරින් ඇඳුම ඇතුලට රිංගුවා… (මම දන්නෙ කොහොමද ?). බසයේ නිසා ඇයට කිසිත් කරගන්න නොහැකිව සිය දෙපා අඹරවමින් මැස්සා ඉවත් කිරීමට උත්සාහ කළා…. එකෙණෙහිම ඇයට තරමක් සද්දෙන් අධෝවාතයක් (අර පඩයක් කියන්නෙ…. අන්න එයින් එකක්) පිටවුනා…. ඒ දෙස බලා සිටි අර බීමත් මනුස්සයා…

අන්න හරි නෝනා… අඹරලා බැරි නං වෙඩි තියලා මරන්න… අතාරින්න එපා ………එහෙම තමයි ඉන්න ඕන….

ඉතිං හැමෝටම තම තමන්ගෙ කැසිල්ලට හේතුවක් තියෙනවා… හේතුව නොදැන කැසිල්ල ගැන පූර්ව නිගමන වලට එන්න එපා… කවුද දන්නෙ… ?

හදිසියෙම මේ කැසිල්ල ගැන ලියන්න හිතුනෙ මටත් පොඩි කැසිල්ලක් ආවා.. හේතුවක් හිතා ගන්න බැරි වුනත් එය කිසියම් ආහාර ආසාත්මිකතාවයක් බව දැනුනා… ඉක්මනින් ම ප්‍රතිආසාත්මිකතා බෙහෙතක් අරගෙන සුව කර ගත්තත්,… අර නොනවතින කැසිල්ල ගැන තියෙන අවධානය වෙනස් කරගන්න අවශ්‍ය නිසා කැසිල්ල ගැන ම ලියලා ඔබගේ දැන ගැනීම පිණිස පළ කරන්න හිතුනා….

ඉතිං දැන් නම් කැසිල්ල පහව ගිහින්….

෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴෴

මේ කතාවම Blogger.com එකේ ඇල්කෙමියාගේ දිනපොතේ පළ කරන්නෙ  ඒකේ සාමාජිකයන්ගෙ හිතසුව පිණිස….

Advertisements

About Alchemiya

ආචාර්ය පියල් ආරියනන්ද, ජීව අකාබනික රසායන විද්‍යාව අංශයෙන් ඇමරිකාවේ ඩෙලවෙයා විශ්ව විද්‍යාලයෙන් ආචාර්ය උපාධිය ලබා වසර කිහිපයක් එහිම විද්‍යා පර්යේෂකයෙකු ලෙස සේවය කර, ජර්මනියේ BASF රසායන ආයතනයෙහි රසායනික උත්ප්‍රේරක සම්බන්ධයෙන් පර්යේෂණ කළ විද්‍යාඥයෙකි. හරිතාගාර ආචරණයට ප්‍රධාන දායකත්‍වයක් දක්වන කාබන් ඩයොක්සයිඩ් වායුව රසායනික සංයෝගවලට පරිවර්තනය කළහැකි රසායනික පර්යේෂණවලට ඉතා ඉහළ දායකත්‍වයක් දී ඇත. ලංකාවට පැමිණි පසු මයිඩාස් සේෆ්ටි ආයතනයෙහි පර්යේෂණ ප්‍රධානී වශයෙන් ද කටයුතු කර, දැනට MAS Holdings අනුබද්ධ Bodyline ආයතනයෙහි නවෝත්පාදන ප්‍රධානී වශයෙන් කටයුතු කරයි. රැකියාවට අමතරව ඔහු විද්‍යාත්මක Blog අඩවියක් ද, රිවිර -රිවිනෙත කලාපයට සතිපතා ලිපි පළකරන විද්‍යා ලේඛකයෙකි. මෙයට අමතරව ඔහු නවෝත්පාදන සහ නිර්මාණශීලීත්‍වය පිළිබඳව දේශන සහ වැඩමුළු ද පවත්වයි. Dr. Piyal Ariyananda was schooled at Mahinda College, Galle and obtained his first degree at the Institute of Chemistry, Ceylon. He excelled the studies being the Batch top in the First year and overall Batch second in the final year exams. After two years of work as a chemist at the Unilever Sri Lanka, Dr. Piyal received a scholarship to pursue his Masters Degree at the university of Louisiana, Monroe where he became the most outstanding Graduate student of the Department of Chemistry in 2003 at his graduation. Dr. Piyal did his Ph.D at University of Delaware, with another scholarship to study his Ph.D in Chemistry, where he studied the conversion of Carbon Dioxide to useful chemical compounds. After graduation with a Ph.D he continued the research at the same university in Energy generation through Carbon Dioxide conversion for two years. Dr. Piyal was offered a scientist position at the Catalytic Research Lab at BASF – Germany and prior to return to Sri Lanka, He worked on converting Carbon Dioxide to Superabsorbant materials, which are used in Diapers if simply explained. Prior to the current assignment, Dr. Piyal headed the R&D team at Midas Safety, a safety and sports glove manufacturing organization located in the Export processing zones in Sri Lanka. His team introduced several new products and technologies into the glove industry, which includes a recent international patent on a new method of making a special type of a coating. His team won the most outstanding innovation team Gold award, in the 2015 National Chamber of Exporters’ award Ceremony. Dr. Piyal is currently heading the Bodyline Innovation team in General Manager capacity. Bodyline is one of the largest business units in MAS holdings with over 15000 employees. He uses the latest innovation methods in the world to innovate the products, and new business models to cater the latest trends in apparel market. Apart from his professional work, He is a science communicator and he writes a special article in Sunday Rivira – Rivinetha, and a science fiction to the same paper. He is also a trainer of Science teachers working with the department of education, and the secretary of the Royal Society of Chemistry, Sri Lanka Section.

Posted on ඔක්තෝබර් 6, 2012, in ඇල්කෙමියාගේ දිනපොත and tagged , , . Bookmark the permalink. ප්‍රතිචාර 5.

  1. මරු කතා දෙක. ඔන්න අපේ කට්ටිය අද මැච් බලන්න ලැහැස්ති වෙනවා.

    කැමතියි

  2. හොඳ ලිපියක් ඇල්කෙමියා. ඇත්තටම ඔය වෙන රටවල poison ivy ලංකාවේ කහඹිලියාමද? නතිනම් ඔලිව් සහ වෙලලු වගෙ පෙනුමෙන් විතරක් සමාන ලඟින් යන එකක්ද?

    ඉංග්‍රීසියෙන් you scratch because it itches වුනාට සිංහලෙන් කසන නිසා කසනවා බව ඇල්කෙමියාට මතක් වුනාද මේක ලියනකොට? දෙකටම එක වචනයයි.

    henryblogwalker (මට භිතෙන හැටි) the Dude (HeyDude) and මගේ ඩෙනිම My Blue Jeans

    කැමතියි

  3. කතා දෙකම හොදයි.අර නාකි එව්වන්ට රැට,රැට කසන කැසිල්ල “දද’ විශේෂයක්ද?

    කැමතියි

  4. කැසිල්ල සුවවීම පිලිබඳ බලවත් සතුට! 😀
    කරුණු වලට තුති!

    කැමතියි

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: