පශ්චාත් ලෝක විනාශ ලග්න පලාපල….2013 මට නං කුජීතයි… ඔබට කොහොමද ?


ලෝක විනාසය අවසන්ය, මගේ වටේම ඉන්නා ග්‍රහයන් එක එක පැත්තට මාරු වී ඇත… දැන් මගේ පලාපල බලා ගැනීමට හොඳම කාළයයි. කණ්ගැට්ටා ද හොරකම් කළේ රාහු කාළය පන්නලා බැවින් මේ කතා බොරු වීමට බැරිය… මේ අන්තර් ජංජාලයෙන් හොයා ගත් මගේ ලග්න පලාපල ය… මම මේස ලග්නයේ වුනත් කරන්නේ වෘෂභ වැඩ නිසා  ඇත්තටම මොන ලග්නයේදැයි කියා හිතා ගැනීමට නොහැක… ඉතිං මේ ලිපියේ රතු පාටින් තියෙන්නේ මගේ ලග්න පලාපල විග්‍රහයයි.. කළු පාටින් තියෙන්නේ ඔරිමජිනල් විස්තරයයි…..

මේෂ ලග්නයෙන් උපන් ඔබගේ ලග්නාධිපති කුජ උච්චව 10 වැන්නේද, ගුරු දෙවැන්නේ ද, සඳු 4 වැන්නේ ද, ශනි සහ රාහු 07 වැන්නේද, සිකුරු 8 වැන්නේද, රවි බුධ 9 වැන්නේද, කේතු ලග්නයේද ගෝචර කරමින් ආරම්භ වන මෙම වර්ෂය ඔබට එතරම් යහපත් නොවෙනු ඇත. කෙළියා නේද ලොක්කා…පටන් ගත්ත ගමන්ම….. දැන් ඉතිං මොනවා කරන්න ද ? වෙච්ච දේවල හැටියට මේ වසරෙ ඉතිං වැටෙන්න තියෙන්නෙ පැදුරෙන් බිමට තමයි…

ධනය

මිල මුදල් ලාභ ලැබේ.  නියමයි. ආදායම වැඩිවේ. මිල මුදල් ලැබුනාම ආදායම වැඩි වෙනවා නේන්නම්…. පඩි වැඩි වේ. ලංකාවෙ නෙවෙයි නෙ ඉන්නෙ…  රාහු සහ සෙනසුරු මහදශා අන්තර් දශා ගත කරන අයගේ මුදල් හානි වේ. ඔන්න ඔන්න… මගේ රාහු හතේ නෙ… සෙනසුරාත් හතේ… හයියෝ…. අර මුලින් ලැබෙනවයි කියපු සල්ලි….. අයියෝ සල්ලි….
අධික වියදම් ඇති වේ. ආදායම වැඩි වෙනකොට වියදම වැඩි වෙනවා… එතකොට අර මුලින් ලැබෙනවයි කියපු සල්ලි ? රෝගාබාධ සඳහා මිල මුදල් වැය කිරීමට සිදු වේ. විවාහ වූ අයට නම් බිරිඳට හෝ ස්වාමියාට ධන ලාභ හෝ සැප ලැබෙන කාලයකි. බිරිඳට ධනය ලැබෙනවා තමයි… මගේ සම්පුර්ණ පඩියම දෙන්නෙ එයාට තමයි… සැප… පෞද්ගලික දේවල් ගැන ප්‍රසිද්ධියෙ කතා කරන්න බෑ අප්පා… කෙටියෙන්ම කිවුවොත් සැප කණේ තමයි…

රැකීරක්‍ෂා

රැකීරක්‍ෂා වලින් උසස් වීම් ලැබේ. බම්බුවක් කතා කරනවා.. මීට වඩා උඩ යන්න බෑ මෙතන… වෙළ හෙළදාම් ව්‍යාපාර වලින් ලාභ ලැබේ. කරන එකම බිස්නස් එක මේක තමයි… භාරගෙන කරන වැඩ වලින් හෝ ආරම්භ කරන වැඩ වලින් ලාභ හා දියුණුව ඇති වේ. ඔන්න කට්ටිය මට වැඩ බාර දෙන්ඩෝ…. අලූතින් රැකී රක්‍ෂා ලැබේ. උසස් වීමක් ලැබුණ ගමන්ම අළුතෙන් රස්සාවකට යන එක ඒ තරම් හොඳ නෑ නේද ? ශනි මහදශා අන්තර් දශා ගත කරන අයට කරගෙන එන රැකී රක්‍ෂා වලට අවහිරතා හෝ සමහර විට රැකී රක්‍ෂා නැති වීමටද ඉඩ ඇත. හුටා….. සනියා හතේ…. දැං ඉතිං රාගම ඉස්ටේසමේ ලේන්සුවක් එලාගෙන ඉන්න තමයි වෙන්නෙ…
තනතුරු දරන අයට ස්ථාන මාරුවක් හෝ වෙන පලාතකට යාමට සිදු වේ. තනතුරු දරන්නෙ නැත්තෙ කවුද අප්පා… ඔහොම වුනොත් ඉතිං ඔක්කොටම මාරු වෙන්න වෙනවනෙ….

ගෘහජිවිතය

ගරු නම්බු ලැබේ. ඔව් ඔවු… ඇල්කෙමිච්චි ටිකක් ගරු සරු ඇතුව කතා කරනවා නං තමයි… සැපවත් කාලයකි. ආයෙත් අහලා…. රසවත් කෑම බීම සංග‍්‍රහ ආදිය ලැබෙන්නට පුලූවන. මෙච්චර කලා නොකා නෙ හිටියෙ…  වාසනාව මතුවන කාලයකි. වාසනාව දොර ඇරලා බලනවා…. උත්සව වලට සහභාගි වීමට ඉඩ ලැබේ. ඔන්න … කට්ටිය මට මතක ඇතුව ඉන්විටේෂන් එවාන්ඩ හොඳේ…. ඥාති මිත‍්‍රයෝ තමා සොයාගෙන එයි. උන් ඔහොමමයි… සල්ලි ලැබෙනවා කිවුවාම බලන්න එනවා… ඔවුන්ගෙන් උපකාරද ලැබේ. ආ එහෙම නං කමක් නෑ…  ශුද්ධ භූමි වලට යාමට ඉඩ ලැබේ. සුද්ද වෙලා එන්න වෙයිද දන්නෙ නෑ… සතුරන් ගෙන් ජය ලැබේ. අඩෝ…. කෝ සතුරෝ ? පවුලේ පිරිස වැඩි වේ. හුටා….  මදැයි.. ආදායම… සමහර විට දරු උපතක් හෝ ඇති වේ. හුටාම තමයි… යන තැනක කොන්ඩම් දහයක් විතර අරන් යන්න වෙයි.. සුදුසු වයස නම් විවාහය හෝ කම්සැප හෝ ස්ත‍්‍රී සැප ඇති වේ. කම් සැපට ඉතිං වයසක් කොහෙන්ද ? නැට්ට කෙළින් වෙනව නං ඉතිං සැප තමයි.. ගුරු මහ දශා අන්තර් දශා ගත කරන අයට වර්ෂය මැද භාගය දක්වා ඉතා යහපත් කාලයකි. උගන්වන අදහසකුත් තිබුණා තමයි… ටියුෂන් පන්තියක් දාගන්න ඕන… කම් සැපත් වැඩි වෙනවා කියලා තියෙනව නෙ…
සෙනසුරු මහදශා අන්තර් දශා ගත කරන අයට දරු ශිෂ්‍ය ආදීන්ගෙන් වෙන්වීමක් සිදු වේ. ඔව් ඉතිං… ටියුෂන් පන්තියෙ හැමදාම ලමයි එන්නෙ නෑනෙ… මහජනයා සමග කරන කටයුතු වලදී අවුල් වියවුල් දෝෂාරෝපනවලට හසුවේ. ඒකට ඉතිං කුඩා ජනයා එක්ක කටයුතු කරනවා ….. ප‍්‍රසිද්ධ සතුරන් ඇති වේ. කමක් නෑ… සතුරන්ගෙන් ජය ලබනවා කියලා ඉස්සෙල්ලා කිවුවනෙ…. කෝ සතුරෝ… ආ ? රාජ දඩුවම් පවා ලැබිය හැකිය. බ්ලොග් එක වහලා දාන්න වෙයි…  ගොවිතැන් වැඩ කරන අයට ඒවා පාලූ වීමෙන් අලාභ හානි ඇති වේ. අපරාදෙ වවපු ගංජා ටික….  පවුලේ කරදර මතු වේ. කම් සැප වැඩි වෙනවා කිවුවම මම දැන ගත්තා ඔය ටික වෙයි කියලා… දේශපාලන කටයුතු වල නිරත වන අයට ප‍්‍රයෝජන ලැබිය හැකි කාලයකි. සුභ අනාගතයක්…. නිතර ගමන් බිමන් ඇති වීම නිසා කරගෙන යන වැඩ වලට බාධා හා ප‍්‍රමාද වීම් ඇති වේ. ඇයි යකෝ රස්සාවට යන්නෙ නැද්ද මම ? තම ස්වාමිපුරුෂයාගෙන් හෝ භාර්යාවගෙන් වෙන් වීමට සිදු වේ. දරු උපතක් ගැන කිවුවාම මම හිතුවා…. කම් සැපත් ලැබෙනවලු නෙ… ටියුෂන් පන්තිය නොදා ඉන්නවා…. බොරු චෝදනා වලට හසු වේ. නෑ අනේ… මම එහෙම දෙයක් කළේ නැහැ… ඔය ගෑණුන්ගෙ බොරු…. තද ලෙස සිත් කම්පා ඇති වීමට කරුණු යෙදේ. ඇත්තනෙ.. මෙහෙම බොරු චෝදනා කොහොමද ඉවසන් ඉන්නෙ ? තමාගේ තිබුණ සැප සම්පත් එක් අතකින් හීන වී යයි. අයියෝ… දුක සැප නිති පෙරළේ… රිය සක ලෙස මේ පොළවේ…. මේ කාලයේ නඩු හබ වලට පැටලූන හොත් ඉන් තමාට අවාසි විය හැක. ඔන්න කිවුවා.. ඩිවෝස් නං වෙන්න බෑ…. බොහෝ කැලබිලි සහිත චංචල සහගත කාලයක් වේ. කැළඹෙන්නෙ නැද්ද අප්පා මේ වෙන වැඩ වලට..නොයෙක් ආකාරයේ වැදගැම්මකට නැති හිංසා පීඩා ඇති වේ. අහිංසක මටමයි වෙන්නෙ…

අධ්‍යාපනය

අමුතු දේ ඉගෙන ගැනීමට හා දැන ගැනීමට ඉඩ ලැබේ. අන්න.. අළුත් කට්ටිය ආස්සරේ කරන්න ගියාම දැනුම වැඩි වෙනවා.. ඥාණය වැඩි දියුණු වේ. ඉගෙන ගන්නකොට ඥාණය වැඩි වෙන්න එපායෑ… විභාග වලින් ජය ලැබේ. ඥාණය වැඩි වෙන කොට විභාග වලින් ජය ලැබෙනවනෙ අප්පා… වර්ෂය මුල කාලයේදී උසස් අධ්‍යාපන කටයුතු සඳහා විදේශ රටවලට යාමට සිදු විය හැක. ඉතිං දැං ඉන්නෙත් විදේශ රටකනෙ… තව කොහේ යන්න ද? 

සෞඛ්‍යය

තම භාර්යාවට හෝ ස්වාමියාට අසනීප වැලඳෙන්න පුලුවනි. දැං කිවුවෙ සැප වැඩි වෙනවා කියලා… එක දෙයක් කියන්න අප්පා.. ශනි මහදශා අන්තර් දශා ගත කරන අයට ලිංගා බාධ, හ්ම්….  වාත ආබාධ, පඩ නං යනවා වැඩියි තමයි..  හිරිවාත, හිරිවාතෙ ඉතිං ඇරගන්න බැරියෑ මසාජ් එකකට ගියාම…. අජීර්ණ රෝග ආදිය අසනීප වලට ඉඩ තිබේ. ඉඩ තිබේ කියන්නෙ.. නොකා ඉන්නද කියන්නෙ ? ශරීර ශක්තිය හීන වේ. වැඩ වැඩි වුනාම එහෙම වෙනවා තමයි.. මෝජෝ එක බහිනවා… විශේෂයෙන් මුත‍්‍රා දෝශ, අර ලිංග දෝශ වලට අදාල එකක් වෙන්න ඇති… ධාතු දුර්වලත්වය, ඉතිං හත් ඉලවුවෙ දැං කිවුවා නේද දරු සම්පත් ලැබෙනවා කියලා.. ඊට පස්සෙද ධාතු දුර්වල වෙන්නෙ ? ඕක ඉස්සර වෙලා වෙන්න තිබුණෙ නැද්ද ? වකුගඩු වල ආබාධ ඇතිවිය හැකිය. ආ… වකුගඩු ආබාධ නිසා වෙන්න ඇති මුත්‍ර දෝශ ඇති වෙන්නෙ…. ඇතැම් විට ශල්‍යකර්මයක් හෝ කිරීමට තරම් අසනීප ආබාධ වැලඳීමට ඉඩ ඇත. වකුගඩුවක් ඕනෑ කර තිබේ…. පින්වතෙක් සිටී නම් දන්වන්න………

ඔන්න ඔහොමයි මගේ ලග්න පලාපල…. බලාගෙන ගියාම මේ අවුරුද්දෙ සෙත්ත පෝච්චි වෙයි වගේ…. ඉතිං මේක මට විතරක් නෙවෙයිනෙ… ලෝකෙ පුරාම ඉන්න මේස ලග්න කාරයොන්ට සිද්ද වෙන අකරතැබ්බයක් නෙ… හොඳවැඩේ ඕකුන්ට… මට විතරක් කෙළවිලා හරියන්නෙ නෑනෙ…

ඉතිං ඔබටත් මේ ලග්න පලාපල බලාගන්න ඕන නම් යන්න මේ ලිපිනයට… ගිහිල්ලා විග්‍රහයක් කර ගන්න… අත්දුටුවයි සත්තයි… කෙළවුනාම දේවශාන්ති කරන්න අප ළඟට එන්න….

http://ceylonastro.com/lagna-palapala-2013.html

Advertisements

About Alchemiya

ආචාර්ය පියල් ආරියනන්ද, ජීව අකාබනික රසායන විද්‍යාව අංශයෙන් ඇමරිකාවේ ඩෙලවෙයා විශ්ව විද්‍යාලයෙන් ආචාර්ය උපාධිය ලබා වසර කිහිපයක් එහිම විද්‍යා පර්යේෂකයෙකු ලෙස සේවය කර, ජර්මනියේ BASF රසායන ආයතනයෙහි රසායනික උත්ප්‍රේරක සම්බන්ධයෙන් පර්යේෂණ කළ විද්‍යාඥයෙකි. හරිතාගාර ආචරණයට ප්‍රධාන දායකත්‍වයක් දක්වන කාබන් ඩයොක්සයිඩ් වායුව රසායනික සංයෝගවලට පරිවර්තනය කළහැකි රසායනික පර්යේෂණවලට ඉතා ඉහළ දායකත්‍වයක් දී ඇත. ලංකාවට පැමිණි පසු මයිඩාස් සේෆ්ටි ආයතනයෙහි පර්යේෂණ ප්‍රධානී වශයෙන් ද කටයුතු කර, දැනට MAS Holdings අනුබද්ධ Bodyline ආයතනයෙහි නවෝත්පාදන ප්‍රධානී වශයෙන් කටයුතු කරයි. රැකියාවට අමතරව ඔහු විද්‍යාත්මක Blog අඩවියක් ද, රිවිර -රිවිනෙත කලාපයට සතිපතා ලිපි පළකරන විද්‍යා ලේඛකයෙකි. මෙයට අමතරව ඔහු නවෝත්පාදන සහ නිර්මාණශීලීත්‍වය පිළිබඳව දේශන සහ වැඩමුළු ද පවත්වයි. Dr. Piyal Ariyananda was schooled at Mahinda College, Galle and obtained his first degree at the Institute of Chemistry, Ceylon. He excelled the studies being the Batch top in the First year and overall Batch second in the final year exams. After two years of work as a chemist at the Unilever Sri Lanka, Dr. Piyal received a scholarship to pursue his Masters Degree at the university of Louisiana, Monroe where he became the most outstanding Graduate student of the Department of Chemistry in 2003 at his graduation. Dr. Piyal did his Ph.D at University of Delaware, with another scholarship to study his Ph.D in Chemistry, where he studied the conversion of Carbon Dioxide to useful chemical compounds. After graduation with a Ph.D he continued the research at the same university in Energy generation through Carbon Dioxide conversion for two years. Dr. Piyal was offered a scientist position at the Catalytic Research Lab at BASF – Germany and prior to return to Sri Lanka, He worked on converting Carbon Dioxide to Superabsorbant materials, which are used in Diapers if simply explained. Prior to the current assignment, Dr. Piyal headed the R&D team at Midas Safety, a safety and sports glove manufacturing organization located in the Export processing zones in Sri Lanka. His team introduced several new products and technologies into the glove industry, which includes a recent international patent on a new method of making a special type of a coating. His team won the most outstanding innovation team Gold award, in the 2015 National Chamber of Exporters’ award Ceremony. Dr. Piyal is currently heading the Bodyline Innovation team in General Manager capacity. Bodyline is one of the largest business units in MAS holdings with over 15000 employees. He uses the latest innovation methods in the world to innovate the products, and new business models to cater the latest trends in apparel market. Apart from his professional work, He is a science communicator and he writes a special article in Sunday Rivira – Rivinetha, and a science fiction to the same paper. He is also a trainer of Science teachers working with the department of education, and the secretary of the Royal Society of Chemistry, Sri Lanka Section.

Posted on දෙසැම්බර් 21, 2012, in ඇල්කෙමියාගේ දිනපොත and tagged , , . Bookmark the permalink. ප්‍රතිචාර 14.

  1. පට්ටයි හොඳේ… මල් හතයි, බුලත් හතයි, කැවිලි හතයි… ඕවා පට්ට පල් බොරු.. හඳහන බලන්න ඕන පුද්ගලායට.. ඕනම නම් වෙලාව එවපන්.. කීප දෙනෙක්ගෙ බැලුවා… කියපුවත් ගොඩ හරි ගියා. හැබයි පුතේ මේ දවස්වල නම් අළුත් ජොබ නිසා සෑහෙන බිසි….

    කැමතියි

    • මම නම් ඕවා වැඩිය බලන්නෙ නෑ… අම්මලා නං බලලා මෙහෙම වෙනවා අරහොම වෙනවා කියනවා… අවශ්‍ය වුනොත් බලමු…
      මම නම් මේ පත්තරවල යන හඳහන් විශ්වාස කරන්නෙම නෑ… හැබැයි ඉතිං ජෝතිශ්‍යය කියන්නෙ වැදගත් ශාස්ත්‍රයක්.. හරියට කරනවා නම් හරිම දේ ලැබෙනවා… මමත් අත්දැකීමෙන්ම දන්නවා….

      කැමතියි

  2. මම උදේ නැගිටිනකොට සිංහ ලග්නෙ, දවල් වෘශභ ලග්නෙ, රෑට මිථුන ලග්නෙන් කුම්භ ලග්නෙට යනවා. 😀

    කැමතියි

  3. පට්ටම තමා .. මම කියන්න ආවේ මාතලන් ගෙන් හරි මාරයාගෙන් හරි බලාගනින් කියල , ඌම ඇවිත් කියලනේ .

    කැමතියි

  4. Pattama patta liumak thanks oyata subadawasak! math oya paththare yana palapalanam viswasa karanne naha. mage lagne kataka. mage mahaththaya kiyanawa ekanam hondata penawa kiya. magekata wadi nisalu ane manda

    කැමතියි

    • විවාහක කාන්තා පක්‍ෂය කොහොමත් විවාහෙන් පස්සෙ ලග්නෙ මාරු කරනවා…
      සමහරු කටක වෙනවා. සමහරු වෘශ්චික වෙනවා. සමහරු මකර වෙනවා… තවත් සමහරු කුම්භ වෙනවා…
      මිථුන වෙන එක නම් අඩු වෙනවා…
      සිංහ ලග්නෙ හිටපු පුරුෂයෝ මේස යට ලග්නයට යන්නෙත් විවාහයට පස්සෙ…

      කැමතියි

  5. මගේ ලග්නෙ උපංදා ඉඳන් අධ්‍යාපනේට නං හොඳයි..:) හැබැයි කවදාවත් අය වැය සැටිස් වෙලා නෑ.. එකොළහක් එනකොට දාහතරක් යනවා..:)

    කැමතියි

  6. සුපිරියටම ලියල තියෙනවා.මිථුන ලග්නෙන් නැගිට්ටම දවසම ඇත්තටම හොදද?:)

    කැමතියි

  7. //වර්ෂය මුල කාලයේදී උසස් අධ්‍යාපන කටයුතු සඳහා විදේශ රටවලට යාමට සිදු විය හැක//දැන් මොන රටේ අධ්‍යාපනේටත් වඩා සිරි ලංකාවේ අධ්‍යාපනේ තියෙන්නේ ඉහලින් නොවැ අපේ ගරු ඇමතිතුමාට පින් සිද්ධ වෙන්න.ඔය කියන්නේ ඉන්න රටේ ඉඳලා ,වැඩිදුර ඉගෙන ගන්න ලංකාවට එනවා කියලා වෙන්න බැයිද?

    කැමතියි

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: