ලංකාවට ඇවිල්ලා අදට මාස තුනක් ගත වුනා… ඒ මාස තුනේ ලොකු ලොකු වෙනස්කම් කිහිපයක්ම මටත් සිද්ධ වුනා… පළමු මාස දෙකේම ජීවත් වුන පුංචි අම්මලාගේ ගෙදරින් අපේම කියලා වෙනම තැනකට ගියේ ජුනි මාසෙ මුල. අපේම කිවුවට අනුන්ගෙ.. මාසික කුලිය ගෙවලා අපේම කරගත්තා. ඒ නිසා ඒ වෙනුවෙන් බඩුගන්නයි – විකුණන්නයි පොළටයි ආවේ වගේ එහේ මෙහේ ඇවිදලා අත්‍යවශ්‍ය දේවල් ගන්න.. ආදී දේ වලට පහුගිය මාසෙම මහන්සි වුනා.. රසායන විද්‍යා ආයතනයෙ සතියකට දවස් තුනක් ඉගැන්වුවට, සමහර සතිවල දවස් හතර පහ යන්න වුනා.. ඒ අතරෙ මගේ සමාජ සේවා වැඩකටයුතුත් කරගන්න ලැබුණා.
අම්මා අසනීප තත්ත්‍වයෙන් හිටි නිසා තරමක් ඒ කටයුතු වලටත් මහන්සි වුනා. ඒ අතරේ ගිය සතියෙ මිතුරියකගෙ විවාහයත්, මගේ සමීපතම මිතුරෙකුගේ මවගේ තුන්මාසෙ දානෙටත් සහභාගි වෙන්න ඉඩ ලැබුණා.
මේ කරුණා කාරණා නිසා බ්ලොග් එක ලියන එක නම් හොඳටම අතපසු වුනා. පිටස්තරයා බලපු මගේ මිතුරෙක්, “කෝ යකෝ ආගන්තුකයා ?” කියලා අහුවාමයි මට මතක් වුනේ පිටස්තරයා කතාවෙ සෑහෙන ප්‍රමාණයක් ලියලා නෑ නේද ? කියලා.. තවත් පරිඡේද කිහිපයක් ලියලා තිබුණත්, ඉදිරියේදි පිටස්තරයා පොතක් වශයෙන් පළ කිරීමේ අභිලාශය ඇති නිසාම, අවසාන කොටස් කිහිපය පළ කිරීමෙන් වැලකී සිටීමට තීරණය කළා.
පසුගිය කාළයේ ම මම ලංකාවෙදි අත්දැකපු දේ බොහෝයි.
- වාහනයක් පදවනවා නම් ඒ පාරේ යන්නේ තමන් පමණක් බව හිතාගෙන පැදවිය යුතුයි.
- වම දකුණ කියා බේදයක් නැත. ඉඩ ඇති තැනකින් රිංගවිය යුතුය.
- පයින් ගමන් කරනවා නම් පදික මාරුව තිබෙන්නේ අපට මාරු වීමට නොවන බව සිතට ගත යුතුය.
- සමාජ සම්බන්ධතා ඇතිනම් ඕනෑම දෙයක් ඕනෑම තැනකින් කරගැනීමට හැකියි.
- මොන බලු වැඩේ කරගන්නත් හොඳින් ඇඳ පැළඳ ටයි එකක් දමාගෙන හෝ යා යුතුයි.
- සල්ලිවලට ගත නොහැකි දෙයක් නොමැති බව බොහෝ දෙනා සිතාගෙන සිටිති. තරමකට සත්‍යය.
- ලංකාවේ මිනිසුන් හැදීමට නොහැක. ඊට වඩා හොඳයි වඳුරන්ට අවකලනය කියලා දෙනවා…
- ලංකාවේ 90% ක් දෙනාට විනයක්, හැදියාවක්, සාරධර්ම යන කිසිවක වගක්වත් නොමැත.
- තව ගොඩක් දේ ඇත….. කියලා වැඩක් නැත…
මේ සියල්ල මගේ අත්දැකීම් වලින් ලබාගත් නිගමන වේ. කිසිදු නිගමනයක් එක් වතාවක අත්දුටු දත්ත වලින් ලබාගත් නිගමන නොවෙයි.. ඒ නිසා මේ ගැන ලොකු වගකීමකිනුයි කතා කරන්නෙ…
මේ ගැන වෙන වෙනම කතා කරනවා නම් සෑහෙන දිග ලිපියක් ලියන්න වේවි.
ඉදිරියේදී නම් මගේ බ්ලොග්කරණයේ අඩුවක් දකින්න ලැබේවි. මොකද කියනවා නම් අගෝස්තු මාසයේ ඉඳලා මීටත් වඩා කාර්ය බහුල වෙන නිසා.. ඒ ගැනත් පසුව කියන්නම්..
මුලදි නම් අදහසක් තිබුණා ඇල්කෙමියාගේ රසායනාගාරය වෙනම වෙබ් පිටුවකට රැගෙන ගිහින් මීට වඩා සේවයක් කරන්න.. නමුත් දැන් දැන් සිදුවන කාර්යබහුලත්‍වයත් එක්ක ඒ අදහස නම් පස්සට දාන්න වෙනවා.
ඉඩ ලැබෙන විදියට බ්ලොග් සටහන් ලියන්න අදහස් කරගෙන ඉන්නවා… බලමු…
කොහොම වුනත් මාසෙකට එකක්වත් ලියන්න බලමු….
ඔන්න ඔහොමයි ඇල්කෙමියගෙ දිනපොතට ගිය කල…
About Alchemist
ආචාර්ය පියල් ආරියනන්ද, ජීව අකාබනික රසායන විද්‍යාව අංශයෙන් ඇමරිකාවේ ඩෙලවෙයා විශ්ව විද්‍යාලයෙන් ආචාර්ය උපාධිය ලබා වසර කිහිපයක් එහිම විද්‍යා පර්යේෂකයෙකු ලෙස සේවය කර, ජර්මනියේ BASF රසායන ආයතනයෙහි රසායනික උත්ප්‍රේරක සම්බන්ධයෙන් පර්යේෂණ කළ විද්‍යාඥයෙකි.
හරිතාගාර ආචරණයට ප්‍රධාන දායකත්‍වයක් දක්වන කාබන් ඩයොක්සයිඩ් වායුව රසායනික සංයෝගවලට පරිවර්තනය කළහැකි රසායනික පර්යේෂණවලට ඉතා ඉහළ දායකත්‍වයක් දී ඇත.
ලංකාවට පැමිණි පසු මයිඩාස් සේෆ්ටි ආයතනයෙහි පර්යේෂණ ප්‍රධානී වශයෙන් ද කටයුතු කර, දැනට MAS Holdings අනුබද්ධ Bodyline ආයතනයෙහි නවෝත්පාදන ප්‍රධානී වශයෙන් කටයුතු කරයි.
රැකියාවට අමතරව ඔහු විද්‍යාත්මක Blog අඩවියක් ද, රිවිර -රිවිනෙත කලාපයට සතිපතා ලිපි පළකරන විද්‍යා ලේඛකයෙකි.
මෙයට අමතරව ඔහු නවෝත්පාදන සහ නිර්මාණශීලීත්‍වය පිළිබඳව දේශන සහ වැඩමුළු ද පවත්වයි.
Dr. Piyal Ariyananda was schooled at Mahinda College, Galle and obtained his first degree at the Institute of Chemistry, Ceylon. He excelled the studies being the Batch top in the First year and overall Batch second in the final year exams. After two years of work as a chemist at the Unilever Sri Lanka, Dr. Piyal received a scholarship to pursue his Masters Degree at the university of Louisiana, Monroe where he became the most outstanding Graduate student of the Department of Chemistry in 2003 at his graduation.
Dr. Piyal did his Ph.D at University of Delaware, with another scholarship to study his Ph.D in Chemistry, where he studied the conversion of Carbon Dioxide to useful chemical compounds. After graduation with a Ph.D he continued the research at the same university in Energy generation through Carbon Dioxide conversion for two years.
Dr. Piyal was offered a scientist position at the Catalytic Research Lab at BASF – Germany and prior to return to Sri Lanka, He worked on converting Carbon Dioxide to Superabsorbant materials, which are used in Diapers if simply explained.
Prior to the current assignment, Dr. Piyal headed the R&D team at Midas Safety, a safety and sports glove manufacturing organization located in the Export processing zones in Sri Lanka. His team introduced several new products and technologies into the glove industry, which includes a recent international patent on a new method of making a special type of a coating. His team won the most outstanding innovation team Gold award, in the 2015 National Chamber of Exporters’ award Ceremony.
Dr. Piyal is currently heading the Bodyline Innovation team in General Manager capacity. Bodyline is one of the largest business units in MAS holdings with over 15000 employees. He uses the latest innovation methods in the world to innovate the products, and new business models to cater the latest trends in apparel market.
Apart from his professional work, He is a science communicator and he writes a special article in Sunday Rivira – Rivinetha, and a science fiction to the same paper. He is also a trainer of Science teachers working with the department of education, and the secretary of the Royal Society of Chemistry, Sri Lanka Section.
ඇල්කෙමියාගේ දිනපොත | Alchemist's Diary 
//අවකලනය//
කියන්නේ මොකක්ද
කැමතියිකැමතියි
ඔන්න දැන් වදුරෙක්ට අවකලනය කියලා දෙත හැකි. (වරදවා වටහා නොගන්න , පලමු කමෙන්ටුව දැම්මේ ඇත්තටමය ) ( දෙවැන්න විහිලුවකි)
කැමතියිකැමතියි
දැන් වඳුරොත් මගේ බ්ලොග් එක බලනවද ?
කැමතියිකැමතියි
කාර්ය බහුල නම් ටිකක් අයිස් ගහන්න පුරුදුවෙන්න. 😉
කැමතියිකැමතියි
අයිස් ගහන්න බැරි ලෙඩක් තියෙනවනෙ…
කැමතියිකැමතියි
හහ් හහ් හා – – – – – — — – – !!!! ඇල්කෙමියාගේ මහා ලාංකීය කරණය – – – – – – – – !!!! ලංකාවට පයගහල මාස දෙකයි ගියේ – – – – — – !!!! ලිවිලි නවතී – – – – – – !!!! පිටස්තරයා නවතී – – – – – – !!!! ඇල්කෙමියාද අලස සුවය විඳීමට ක්‍රමයෙන් පුරුදු වෙමින් සිටී – – – – – – !!!! නොකෙරෙන වෙදකමට එක්ස්කිවුසස් නැවෙන් එකයි – — – !!!! පිටරට ඉන්න කාලේ ලංකාවේ දුප්පත් මිනිහෙක් ඉල්ලුවානම් වකුගඩුවක් උනත් නොමිලේ ගලවල දෙන සයිස් එකෙන් හිටි ඇල්කෙමියා . “පිටස්තරයා” ඉතුරු ටීක පුස්තකයක් ලෙසින් වඩම්මන්න පිඹුරුපත් අඳිමින් සිටී — – – – – – – – !!!! දුක නැද්ද ලොක්කා මොලීගේ චරිතෙ සෙල් එකේ දාන්න – — – – – ???? : ))))
කැමතියිකැමතියි
හික්ස්….
කැමතියිකැමතියි
සේල් එකේ *
කැමතියිකැමතියි
වෙන මොනවා කරන්නද අයියා…
දැං ලංකාවෙ මිනිස්සු අම්මා තාත්තත් විකුණගෙන කන එකේ…. රැල්ලට යන්න එපායෑ….
කැමතියිකැමතියි
අපි ඕවා කලින් කිව්වා..
දැන් ඉතින් ගිය හකුරට නාඬන්නේ.. ආපු හකුර කාපන්නේ…
කැමතියිකැමතියි
හකුරෙ ප්‍රශ්නයක් නෙවෙයි සහෝදරයා… මම කිවුවෙ මේ රට යන අත…
ලංකාවෙ නෙවෙයි… ස්වාසිලන්තෙ ජීවත් වුනත් මම ඒ විදියට ජීවත් වෙනවා.. ඒක මට ප්‍රශ්නයක් නෙවෙයි.. කළකිරීමක් ඇත්තෙත් නැහැ..
නමුත්, අර අපි හැමදාම බලාපොරොත්තු වෙන (සහ හදන්නට බලාපොරොත්තු වන) සුරම්‍ය භූමිය ලංකාවෙ (නෙවෙයි කොහේවත්) හැදෙන්නෙ නැති බව පේනවා…
කාර්ය බහුලත්‍වය නම් මමම හදා ගත්ත එකක්… රටේ නැති වැඩ පංගාර්තු කරගෙන ඉන්න නිසා… ඒකට නම් කමක් නෑ ඇත්තටම… මොකද මම එහේ හිටියට වඩා ලොකු වැඩ කොටසක් මෙහේදි අනිත් අය වෙනුවෙන් කෙරෙනවා…දවසකට බ්ලොග් එක බලන්නෙ 100 කට වඩා අඩු පිරිසක්, නමුත් මම ඊට වඩා වැඩි ප්‍රමාණයකට කිසියම් සේවයක් කරනවා සැබෑ ජීවිතයෙදි….
මම ඉන්නෙ සංතෝසෙන්… හැබෑවටම…
මම සැලසුම් කරපු බොහොමයක් දේවල් මගේ ලඟ… ඉදිරියෙදි තව කිහිපයක් ලබා ගත්තාම බොහෝ දුරට සම්පූර්ණයි…
අපි ජීවත් වෙන්න ඕන අපට පුළුවන් හැටියට… ඒ ටික හිතට ගත්තාම කිසි ප්‍රශ්නයක් නෑ..
කැමතියිකැමතියි
නමුත් මේ ළිපියෙන් පේන්නේ නම් ඔබ සතුටින් නැති බවකුයි, කළකිරීමකුයි.
ඔබ සතුටින්නම්, මගෙ සතුටද එයමයි – ජෝතී
කැමතියිකැමතියි
ජෝතිත් හරි.. මෙවන් පෙරේරත් හරි….
කැමතියිකැමතියි
අලුත් වැඩ කටයුතු ඉතාම සාර්ථක වේවා! සතුටින් ඉන්න. ඔබ වැනි අය අපේ රටට සම්පතක් බව තෙරුම් ගන්න. ජයම වේවා! මල්ලියෙ ඔබට.
කැමතියිකැමතියි
බොහොම ස්තූතියි… හැකි පමණින් යමක් කරන්න උත්සාහ කරනවා…
කැමතියිකැමතියි
මාතලන් , ඔය ඇල්කෙමියගෙ චාටු කතා වලට රැවටෙන්න එපා .ඇල්කෙමියා ඔය කියලා තියෙන පොඩි පොඩි ගණන් ගන්න බැරි දේවල් ටික ඇරුනහම . මේ දවස්වල ඇල්කෙමියගෙ බඹරෙ වැල්ලේ කැරකෙන කාලේ – – – – – – !!!! මේ ටික දොහට ඇල්කෙමිය ලංකාවට ඇවිත් අද්දගෙන තියෙන ජිම්කානා ,ජැක්පොට් ගැන දන්නවානම් ඔබාමාලා , බිල් ගෙට්ස්ල හැමදේම දමල ගහල ලංකාවට ඇවිත් පදිංචි වෙනවා – – – – – !!!! : ))))
කැමතියිකැමතියි
කට කට ! හැම දේම ප්‍රසිද්ධියේ කියන්න බෑනෙ
කැමතියිකැමතියි
මොනතරම් කාර්ය බුහුල වුනත් ලිපි ලිවීමට හැකි සෑම විටකම උත්සාහ ගන්න. ඔබ වැනි වටිනා අදහස් හා දැක්මක් තිබෙන බොහෝ දෙනෙක් සිටිනවා. ඒත් ඒ අය නිහඬයි. ඒ අය බොල් මිනිසුන්ට සියල්ලම බාර දීලා වගේ ඒකයි මිනිස්සු නොහැදෙන්න එක ප්‍රධාන හේතුවක් වෙලා තියෙන්නෙ. ඔබ නිහඬ ගොඩට නොවැටේවා කියි පතනවා.
කැමතියිකැමතියි
මාසෙකට එකක් දෙකක් ලියන්න හිතං ඉන්නෙ.. බලමු… කොහොමත් අපට තියෙන කැසිල්ලට එකක් දෙකක් ලියැවෙයි.
කැමතියිකැමතියි
Thanks
කැමතියිකැමතියි
අර ලිස්ට් එකේ තියෙන්නේ කියන්න තියෙන දේවල් වලින් 10%ක් විතරයි.
ඒ කොයි හැටි වෙතත් හැකි වෙලාවට ලියමු ඇල්.
කැමතියිකැමතියි
ඔව් ඔව්.. ලියන්න වෙලාව අඩු වුනත් ටික ටික හරි වෙලාව හදාගන්න බලනවා…
ලිස්ට් එක නං දිනෙන් දින වැඩි වෙනවා… නමුත් ඔක්කොම ලියන්න බෑනෙ…
ඒ ගැන නොහිතා හිටියාම හිතට හොඳයි.
කැමතියිකැමතියි
රසායන විද්‍යා ආයතනයට ඇතුලත්වීමට අවශ්‍ය සුදුසුකම් හා පාඨමාලා පිලිබඳව විස්තර සොයා ගත හැකි දුරකතන අංකයක් ලබාදිය හැකිද?
මෙය තිබෙන්නේ රාජගිරියේ ද??
කැමතියිකැමතියි
මෙය තියෙන්නේ රාජගිරියේ.
මෙන්න මේ වෙබ් අඩවියෙන් විස්තර ලබා ගන්න… සතියේ ඕනෑම දිනක 9-5 අතරේ ආවොත් විස්තර දැනගන්න පුළුවන් වේවි.
contact us කියන තැනින් අංක ලබා ගන්න පුළුවනි
ජයවේවා !
කැමතියිකැමතියි
බොහෝම ස්තූතියි..!
කැමතියිකැමතියි
දැන්නෙ ඇල් නියම පාරටම වැටෙන්න යන්නෙ. බලන්න මිත්‍රයා අපේ 2500 පරවුඩ ඉතිහාසය කොතරම් අපූරුද කොතරම සනීප ද? සුද්ධා තාම කැලේ……… අපිත් එක්ක හැප්පෙන්න……… ඒවා කොහෙද?
කැමතියිකැමතියි
ඔන්න අද මහරගම තියෙනවා රැලියක්..
පලා බබා අපට එපා කියලා… ගිහින් ඉස්සරහින්ම වාඩිවෙලා අහන්න හිතෙනවා…
කැමතියිකැමතියි
මාසෙකට එකක් හරි ලියපන් මචං . . . අනිත් උන්ව හදන්න බැරි උනත් තමන්ටම ඒ ක්‍රමේට සෙට් නොවී ඉන්නවත් ආපහු ආපහු සිස්ටම් එකේ අප්සැට් එක ගැන කියන / ලියන එක හොඳා . .
කැමතියිකැමතියි
බලමු… එකක් දෙකක් නම් කොටා ගන්න පුළුවන් වේවි…
ඒ ක්‍රමේට නං සෙට් වෙන්නෙ නැති බව සුවර් !
කැමතියිකැමතියි
කොහොමත් ඇල්කෙමි පවුලට කරදරයක් නැතිව ජිවත් වන්න තියෙනව නම් සතුටක්.
ලංකාවෙ අලුත් පරපුර සදහා ඔබගෙන් යම් සේවයක් වෙනවා නම් හරිම සතුටුයි.
ඉගෙන ගන්න උනන්දු අයට සේවයක් කලාට ලොකු අයට බොක්කෙන් සේවෙ කරන්නෙ බලාගෙන.
සේවය මුදලාලි පැලන්තියට අරහං බව ඔබ දන්නවනෙ.
කොහොමද පුංචි ඇල් පැට්ට සිංහල දැවිල්ල කෑම කාල පාසල් යනවද?
(මගේ මතය නම් ඔබ වැනි උගතුන්ට සේවය දෙන්න තරම් උගත් රටක් නෙමේ තාම අපේ සිරි ලංකාව.තාම ඩොලර්/යුරෝ වෙන්න ඇති භාවිතේ:).සේවයට සුපියල් වලින් ලැබෙද්දි හරි සනීපයි.සල්ලි වලට වඩා වෙන ඒවා එද්දී හරි හරියට සනීපයි.මේ කියන්නෙ අත්දැකීම් හරිය.)
කොහොමත් ඔබ ඇතුලු සිය පවුලට සුභ අනාගතයක්…!!!
කැමතියිකැමතියි
ඇල්කෙමි පැට්ටා පොඩි කාලෙ ඉඳලම දැවිල්ල කාලා පුරුදුයි… පාසැල් යන්නෙ සැප්තැම්බර් වල.
තවම ඩොලර් මත යැපෙන්නෙ… ඉක්මනටම රුපියල් මත යැපෙන්න පටන් ගන්න ඕන.
අළුත් පරපුර හදන්න උත්සාහ කරනවා.. කොහෙද, මුං හැදෙන පාටක් නෑ…
බොහොම ස්තුතියි.
කැමතියිකැමතියි
මොක උනත් පිටස්තරයා පිටස්තරයෙක්ම වෙච්ච එක ගැන දුකයි.
කැමතියිකැමතියි
දුක් වෙන්න එපා… බලමුකො….
කැමතියිකැමතියි